Ebre 2:2 - Labib An Kreol Seselwa

² Mesaz anonse par bann lanz ti annan tou son valer, e tou pese, tou dezobeisans in ganny son pinisyon ki zot merite.

Ebre 2:2 ပူးပေါင်းရင်းမြစ်များ

Psonm 68:17

Bondye i sorti Sinai; i desann dan son sanktyer sakre avek bann kales lager par milye.

Nonm 11:33

Me lavyann ti ankor anba zot ledan e zot pa ti ankor fini mase, ki SENYER ti pran lakoler kont lepep; SENYER ti fer en fleo tonm lo zot.

Nonm 16:49

Ti annan 14,700 dimoun an tou ki ti mor dan sa fleo, san kont sa ki ti mor dan zafer Kore.

Nonm 21:6

Alor, SENYER ti anvoy bann serpan anpwazonnen mord zot. Bokou bann Izraelit ti ganny morde e bokou zot ti mor.

Nonm 25:9

Sa fleo ti'n fer deza 24,000 mor.

Akt de Zapot 7:53

Zot ki'n resevwar Lalwa Bondye par lentermedyer bann lanz, zot pa'n obei sa Lalwa.

Galat 3:19

Alor, akfer Lalwa? I ti ganny entrodwir akoz pese, ziska ki sa desandan Abrahanm avek ki promes ti ganny fer, i arive. Sa Lalwa ti ganny anonse par bann lanz ki'n servi en lentermedyer.

Deterononm 17:12

En dimoun ki azir avek larogans, ki pa obeir pret ki'n ganny plase pour ofer sakrifis devan SENYER, ou Bondye, oubyen ki pa'n ekout sa ziz, sa dimoun ava ganny touye. Konmsa, ou ava fer disparet sa ki mal dan Izrael.

Deterononm 17:2

Si i annan dan enn sa bann lavil ki SENYER pou donn ou, en zonm oubyen en fanm ki pe fer sa ki mal devan SENYER, ou Bondye, ki dezobei son lalyans,

Deterononm 17:5

ou ava konvok sa zonm oubyen sa fanm ki'n komet sa krim devan laport lavil. La, sa zonm oubyen sa fanm ava ganny saboule avek ros ziska i mor.

Deterononm 27:26

Malediksyon lo sa enn ki pa gard bann parol sa lalwa i ki pa met zot an pratik. Lepep ava dir: Amenn!

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Ebre 10:28

Kan en dimoun i dezobei Lalwa Moiz, i ganny touye san pitye, apre ki i'n ganny trouve koupab lo levidans de, oubyen trwa temwen.

Ebre 10:35

Alor, pa perdi konfyans e zot ava ganny en gran rekonpans.

Ebre 11:26

I ti aksepte ganny meprize parey Kris, ki i ti konsider koman en larises pli gran valer ki bann trezor Lezip. Annefe, son regar ti fikse lo rekonpans fitir.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

Let Zid 1:5

Menm si zot konn tousala tre byen, mon profite pour rapel zot ki mannyer Bondye ti sov pep Izrael kan i ti fer li sorti Lezip. Me apre i ti detri tou bann ki ti refize krwar dan li.