Ebre 13:9 - Labib An Kreol Seselwa

⁹ Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

Ebre 13:9 ပူးပေါင်းရင်းမြစ်များ

Psonm 112:8

Son leker i trankil, i pa per. I annan lasirans ki i pou war lanmor son ladverser.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Matye 24:4

Zezi ti reponn zot, “Fer atansyon, pa les personn tronp zot.

Levanzil dapre Lik 5:38

Me, fodre met diven nef dan bann sak diven nef.

Akt de Zapot 20:30

Menm parmi zot, pou annan dimoun ki pou leve pour ansenny bann mansonz pour antrenn bann krwayan avek zot.

Akt de Zapot 20:32

Aprezan, mon konfye zot avek Bondye, e avek parol son lagras. I annan pouvwar fer zot progrese dan lafwa. I kapab donn zot son bann byen ki i rezerv pour son pep.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Romen 14:2

Serten i krwar ki i kapab manz nenport kwa, tandis ki en lot ki feb, i manz zis legim.

Romen 14:6

Sa enn ki donn lenportans tel zour, i fer li pour onor Senyer. Sa enn ki manz tou keksoz, i manze pour onor Senyer, e i remersye Bondye. Sa enn ki pa manze, se pour Senyer ki i pa manze; li osi, i remersye Bondye.

1 Korentyen 6:13

Zot dir: Manze i pour vant e vant i pour manze. Dakor! Me Bondye pou detri tou le de. Nou lekor pa'n fer pour bann pratik imoral, me pour Senyer, e Senyer i pour lekor.

1 Korentyen 8:8

Me pa manze ki fer nou vin pli pros avek Bondye: Si nou pa manze, nou pa pou perdi nanryen, e si nou manze nou pa pou pli avanse.

2 Korentyen 1:21

Se Bondye li menm ki rann nou for avek zot, dan lavi avek Kris. Bondye li menm ki'n swazi nou.

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

Kolosyen 2:4

Mon dir zot sa, pour ki zot pa les personn tronp zot par bann zoli diskour.

2 Tesalonisyen 2:17

i ranpli zot leker avek kouraz; ki i donn zot lafors pour touzour pratik sa ki byen, par aksyon e an parol.

2 Tesalonisyen 2:2

Pa les zot lespri trouble fasilman ni alarme, si en dimoun i vin anonse ki zour Senyer in arive. Pa krwar li, menm si i pretann ki en profesi, en deklarasyon oubyen en let i sorti kot nou.

1 Timote 6:20

Mon ser Timote! Gard byen sa ki ou'n ganny konfye. Evit bann konversasyon vid e kontrer avek lafwa, ek bann fo largiman ki zot apel konnesans.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.

Let Zid 1:12

Aprezan, prezans sa bann zonm in vin en skandal dan zot repa fraternel, kot zot vin zis ranpli zot vant san okenn laont. Zot parey bann nyaz ki divan i anmennen, me ki pa donn lapli. Zot parey bann pye dibwa ki pa prodwi okenn fri, menm pandan lasezon, e ki derasinen, i'n konpletman mor.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.