Ebre 13:8 - Labib An Kreol Seselwa

⁸ Zezi-Kri i reste parey, yer, ozordi, demen e pour touzour.

Ebre 13:8 ပူးပေါင်းရင်းမြစ်များ

Zenez 21:33

Abrahanm ti plant en pye dibwa la Berseba, pour mark sa landrwa akoz la, i ti envok non SENYER, Bondye eternel.

Psonm 103:17

Me fidelite SENYER pour sa enn ki obei li i dire pour leternite e son lazistis i dire ziska plizyer zenerasyon

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Psonm 90:4

Pour ou, mil an i pas konmsi yer, oubyen parey en kourt letan dan lannwit.

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

Ezai 41:4

Lekel sa enn ki'n rakont li tousala? Li menm sa enn ki'n konvok bann zenerasyon depi konmansman. Mwan menm SENYER ki premye e mon pou ankor avek bann ki dernyen!

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

2 Korentyen 1:19

Annefe, Garson Bondye, Zezi-Kri, ki Silven, Timote ek mwan menm nou'n anonse parmi zot, pa ti wi ek non. O kontrer, dan li, i'n touzour annan zis wi.

2 Korentyen 1:20

Annefe, tou bann promes Bondye, zot trouv zot Wi dan Zezi-Kri. Pour sa rezon, par Zezi-Kri ki nou dir nou Amenn pour rann glwar Bondye.

Ebre 1:12

Ou pou roul zot, parey lenz, e parey en lenz, zot pou ganny sanze. Me ou, Senyer, ou touzour parey, e ou lavi pa pou zanmen fini.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!

Revelasyon 1:11

ki ti dir: Ekri sa ki ou war dan en liv, e anvoy li kot sa set Legliz ki Efez, Smirn, Perganm, Tyatir, Sard, Filadelfi ek Laodise.

Revelasyon 1:4

Delapar Zan, pour sa set Legliz ki dan provens Lazi. Lagras ek lape delapar Bondye ki egziste, ki ti egziste e ki pe vini; delapar sa set Lespri ki devan son tronn,

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.