Ebre 13:6 - Labib An Kreol Seselwa

⁶ Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

Ebre 13:6 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

1 Rwa 17:8

Alor, SENYER ti koz Eli,

Psonm 124:8

Nou sekour i dan non SENYER ki'n fer lesyel ek later.

Psonm 146:3

Pa met ou konfyans dan bann sef, dan bann imen ki pa kapab sov ou.

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 33:20

Nou'n met nou lespwar dan SENYER. Li menm ki nou lafors e nou protekter.

Psonm 40:17

Mwan, mon en pov malere; me SENYER i mazin mwan. SENYER! Ou menm mon sekour, mon liberater. Mon Bondye pa tarde!

Psonm 54:4

Bondye i mon sekour. SENYER i soutenir sa enn ki soutenir mwan.

Psonm 56:4

Mon loue Bondye akoz son parol. Mon met mon konfyans dan li; mon pa per. Ki en imen i kapab fer mwan?

Psonm 63:7

akoz ou'n vin sekour mwan. Mon dan lazwa dan lonbraz ou lezel.

Psonm 94:17

Si SENYER pa ti'n ed mwan, lontan mon ti'n fini dan simityer.

Egzod 18:4

lot ti apel Eliezer, savedir: Bondye mon papa i mon sekour, e i'n delivre mwan kont lepe Faraon.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

Deterononm 33:26

Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.

Ebre 10:19

Mon bann frer! Dezormen, nou annan konfyans ki, par disan Zezi ki'n ganny verse, nou ava kapab antre libreman dan sanktyer.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

1 Samyel 23:17

I ti dir David, “Pa bezwen per; mon papa Sail pa pou reisi ganny ou. Ou ki pou vin lerwa Izrael, e mwan, mon pou vin ou asistan. Mon papa, Sail i konnen li osi.”