Ebre 13:20 - Labib An Kreol Seselwa

²⁰ Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Ebre 13:20 ပူးပေါင်းရင်းမြစ်များ

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

1 Kronik 16:17

I'n etabli li en lalwa pour Zakob, e en lalyans eternel pour Izrael.

2 Kronik 30:12

Dan rwayonm Zida osi, Bondye ti avek bann zabitan pour gard zot ini e dakor pour obei lord ki lerwa ek bann sef in donnen dapre parol SENYER.

Psonm 23:1

SENYER i mon berze. Mon pa pou mank nanryen.

Psonm 80:1

Berze Izrael ki gid bann desandan Zozef parey en troupo! Ekoute. Ou ki lo tronn par lao bann seriben, montre ou laglwar

Egzod 24:8

Alor, Moiz ti pran sa disan ki ti dan sa bol. I ti asperz lepep, an dizan: Sa i disan lalyans ki SENYER in fer avek zot dapre tou sa bann parol.

Ezai 40:11

Parey en berze i fer, i pou vey lo son troupo. I pou rasanble bann mouton dan son lebra e anmenn zot lo son leker. Dousman, i ava gid bann manman mouton.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Zeremi 32:40

Mon pou fer en nouvo lalyans avek zot pour touzour; mon pou touzour fer zot dibyen. Zot ava annan respe pour mwan avek tou zot leker e zot pa pou abandonn mwan.

Ezekyel 34:23

Mon pou etabli en sel berze: Mon serviter David. I pou nouri zot e vin zot berze.

Ezekyel 37:24

Mon serviter David pou vin zot lerwa; zot pou annan en sel berze pour zot tou. Zot ava swiv mon bann komannman, obzerv mon bann regleman e met zot an pratik.

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

Zakari 9:11

Ou osi, akoz lalyans avek ou ki mon'n sele par disan, mon pou liber ou bann prizonnyen ki dan lafos kot napa delo.

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Mark 14:24

I ti dir zot, “Sa i mon disan, disan lalyans ki'n ganny verse pour bokou.

Levanzil dapre Lik 22:20

Demenm, apre repa, i ti osi pran lakoup. I ti dir, “Sa lakoup i nouvo lalyans dan mon disan ki'n ganny verse pour zot.”

Levanzil dapre Zan 10:11

Mwan menm bon berze. Bon berze i donn son lavi pour son bann mouton.

Levanzil dapre Zan 10:14

Mwan menm sa bon berze. Mon konn mon bann mouton, e mon bann mouton zot konn mwan.

Akt de Zapot 13:30

Me Bondye ti resisit li.

Akt de Zapot 17:31

Annefe, i'n fikse en zour pour li ziz lemonn antye avek lazistis, par en zonm ki i'n swazir. I'n donn nou laprev, an resisitan sa zonm.”

Akt de Zapot 2:24

Me Bondye ti resisit li, e delivre li dan soufrans lanmor. Annefe ti enposib pour lanmor gard li anba son pouvwar.

Akt de Zapot 2:32

Sa Zezi, Bondye in resisit li, e nou tou, nou temwen.

Akt de Zapot 3:15

Konmsa ki zot i'n met anmor sa enn, ki li menm sours lavi. Me Bondye in resisit li, e nou, nou la koman temwen.

Akt de Zapot 4:10

Alor, i enportan ki zot tou, zot ek pep Izrael antye, zot konnen ki, si sa zonm i la devan zot konpletman an bonn sante, se par non Zezi-Kri, sa Nazareen ki zot ti krisifye e ki Bondye in resisite.

Akt de Zapot 5:30

Bondye nou bann zanset in resisit sa Zezi ki zot, zot in met anmor lo lakrwa.

Romen 1:4

Me dapre Lespri Sen, i'n ganny manifeste koman Garson Bondye avek pwisans, kan i ti resisite.

Romen 10:7

Oubyen: Lekel ki pou desann dan labim? Setadir, pour fer Kris remonte parmi bann mor.

Romen 15:33

Mon demande ki Bondye ki donn lape, ava avek zot tou. Amenn.

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Romen 8:11

Si Lespri Bondye ki'n resisit Kris i reste dan zot, alor, sa enn ki'n resisit Kris, pou donn osi lavi zot lekor mortel par son Lespri ki dan zot.

1 Korentyen 14:33

Annefe, Bondye pa en Bondye dezord, me en Bondye lape. Parey i ganny fer dan tou Legliz bann krwayan,

1 Korentyen 15:15

Nou menm pas pour bann fo temwen Bondye, akoz nou dir ki Bondye in resisit Kris. Si Bondye pa'n resisit li, alor i vre ki napa rezireksyon bann mor.

1 Korentyen 6:14

Bondye in resisit Senyer, e i pou resisit nou osi par son pwisans.

2 Korentyen 13:11

Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.

2 Korentyen 4:14

Annefe, nou konnen ki sa enn ki'n resisit Senyer Zezi, pou resisit nou osi avek Zezi e i pou plas nou avek zot, obor li.

Galat 1:1

Sa let i sorti kot Pol, en zapot ki pa'n ganny swazir par zonm, ni par lentermedyer zonm, me par Zezi-Kri e par Bondye, son Papa ki'n resisit li,

Efezyen 1:20

kan i ti resisit Kris e fer li asiz lo son kote drwat dan lesyel.

Filipyen 4:9

Met an pratik sa ki zot in aprann e resevwar avek mwan, swa sa ki zot in antann mwan dir, oubyen sa ki zot in war mwan fer. Bondye, ki donn lape, ava avek zot.

Kolosyen 2:12

Annefe, kan zot ti ganny batize, zot ti'n ganny met dan tonbo avek Kris. Zot in krwar dan pwisans Bondye ki'n resisit li dan pouvwar bann mor.

1 Tesalonisyen 1:10

Zot pe espere ki son garson i retournen sorti dan lesyel. Li menm ki Bondye i'n resisite. In delivre nou kont lakoler Bondye ki pe vini.

1 Tesalonisyen 5:23

Bondye ki donn lape, ava konsakre zot konpletman. I ava gard zot lespri, zot lekor ek zot et antye san repros pour retour nou Senyer Zezi-Kri.

2 Tesalonisyen 3:16

Aprezan, Senyer ki sours lape, ava li menm donn zot lape, dan tou letan e dan tou fason. Mon demande ki Senyer i reste avek zot tou.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Ebre 9:20

I ti dir: Sa i disan lalyans ki Bondye in ordonnen pour zot respekte.

1 Pyer 1:21

Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Pyer 2:25

Annefe, zot ti koman bann mouton perdi; me aprezan, zot in retourn kot sa berze ki vey lo zot.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.