Ebre 12:3 - Labib An Kreol Seselwa

³ Mazin en pe ki mannyer i'n siport otan lopozisyon delapar bann peser. Pa les ou ganny dekouraze, ni dezespere.

Ebre 12:3 ပူးပေါင်းရင်းမြစ်များ

Proverb 24:10

Si ou montre ou dekouraze dan letan maler, alor, ou napa bokou lafors.

Ezai 50:4

Senyer BONDYE in ansenny mwan pour ankouraz sa ki feb, avek en bon parol. Tou le bomaten, i fer mon zorey drese; mon zorey i drese pour ekoute parey en disip.

Matye 11:19

Fis-de-Lonm in vini; i manze e i bwar, e zot dir: Gete! I mazin zis manze e bwar, i zanmi bann kolekter taks ek dimoun ki annan move repitasyon. Me Lasazes i ganny zistifye par son bann aksyon.”

Matye 12:24

Me kan bann Farizyen ti antann sa, zot ti dir, “Sa zonm i sas demon avek pouvwar sef demon, Belzebil.”

Matye 15:2

“Akoz ou bann disip i dezobei lansennyman ki nou bann zanset in transmet avek nou? Annefe, zot pa lav zot lanmen avan zot manze.”

Matye 21:23

Zezi ti antre dan Tanp e pandan ki i ti pe ansennyen, bann gran-pret ek bann ansyen parmi lepep, ti demann li, “Avek ki lotorite ou pe fer tousala? Lekel ki'n donn ou sa lotorite?”

Matye 21:46

Alor, zot ti rod fason pour aret li. Me zot ti per lafoul, ki ti konsider Zezi koman en profet.

Matye 22:15

Alor, bann Farizyen ti al fer konplo pour met Zezi dan pyez par en kestyon.

Levanzil dapre Lik 14:1

En zour saba, Zezi ti antre dan lakaz enn bann sef Farizyen pour pran en repa. Sa bann dimoun ki ti la ti pe vey li.

Levanzil dapre Lik 15:2

Bann Farizyen ek bann profeser Lalwa ti mirmire, “Sa zonm i frekant bann zans move repitasyon, e i manz avek zot.”

Levanzil dapre Lik 16:14

Bann Farizyen ki ti kontan larzan, ti gognard Zezi kan zot ti antann tousala.

Levanzil dapre Lik 2:34

Simeon ti beni zot. Apre, i ti dir avek Mari: Sa pti zanfan in ganny swazir pour abes e relev bokou dimoun dan Izrael. I pou en siny kontradiksyon.

Levanzil dapre Lik 5:21

Bann profeser Lalwa ek bann Farizyen ti pe dir dan zot menm: Lekel sa zonm ki pe blasfenmen? Lekel ki kapab pardonn pese? Pa zis Bondye tousel?

Levanzil dapre Zan 10:20

Bokou ti dir: I ganny posede par en demon, i fou. Akoz zot ekout li?

Levanzil dapre Zan 18:22

Kan Zezi ti'n dir sa, en gard ki ti la, ti kalot li. I ti dir, “Konmsa ki ou reponn Gran-Pret?”

Levanzil dapre Zan 5:16

Bann Zwif ti persekit Zezi, akoz i ti'n fer sa siny en zour saba.

Levanzil dapre Zan 7:12

Dan lafoul, zot ti diskit bokou lo son size. Serten ti dir: I en bon dimoun. Me ti annan ki ti dir: Non, i pe tronp dimoun.

Levanzil dapre Zan 8:13

Bann Farizyen ti dir li, “La ou pe servi temwen pour ou prop lekor; ou temwannyaz napa okenn valer.”

Levanzil dapre Zan 8:52

Alor bann Zwif ti dir li, “Aprezan, nou asire ki ou posede par en demon. Abrahanm in mor, bann profet in mor, e ou, ou dir: Sa enn ki obei mon parol pa pou zanmen mor.

Levanzil dapre Zan 8:59

Zot ti anmas ros pour saboul li, me Zezi ti kasyet e i ti kit Tanp.

Levanzil dapre Zan 9:40

Serten parmi bann Farizyen ki ti la, ti antann sa ki Zezi ti pe dir. Zot ti demann Zezi, “Eski, oule dir ki nou osi nou aveg?”

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

2 Korentyen 4:1

Akoz Bondye ki dan son bonte, i'n konfye nou sa minister, nou pa perdi kouraz.

2 Korentyen 4:16

Pour sa rezon ki nou pa perdi kouraz. Menm si nou lekor pe dousman ganny detri, lo kote spirityel nou pe ganny renouvle de zour an zour.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Deterononm 20:3

I ava dir zot: Izrael! Ekoute. Ozordi, zot pe al konbat zot bann lennmi. Pa perdi kouraz, pa per, ni tranble, ni angwase devan zot,

2 Tesalonisyen 3:13

Kanta zot, frer ek ser! Pa zanmen aret fer dibyen.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 12:5

Pa oubliy sa bann parol lankourazman ki Bondye i adres zot koman son bann garson: Mon garson! Pa per koreksyon Senyer. Pa dekouraze kan i repros ou.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

1 Pyer 2:23

Kan zot ti ensilte li, i pa ti reponn par lensilt. Dan son soufrans, i pa'n fer okenn menas; me i ti met tou dan lanmen Bondye ki rann lazistis.

Revelasyon 2:3

Mon konnen ki ou annan perseverans. Ou'n soufer tou akoz mon non, e ou pa'n dekouraze.

1 Samyel 12:24

Annan respe pour SENYER e servi li senserman avek tou zot leker. Pran kont tou sa bann gran mervey ki i'n fer avek zot.