Ebre 12:25 - Labib An Kreol Seselwa

²⁵ Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 12:25 ပူးပေါင်းရင်းမြစ်များ

1 Rwa 12:16

Kan pep Izrael antye ti war ki lerwa pa pare pour ekout zot, zot ti reponn lerwa, “Ki par nou annan avek David? Nou napa nanryen avek garson Zese. Pep Izrael! Annou retourn dan nou latant. David! Okip ou prop zafer.” Alor, pep Izrael ti retourn se zot dan zot latant.

2 Kronik 7:19

Me si ou tourn ou ledo avek mwan, e si ou abandonn mon bann regleman ek mon bann komannman ki mon'n plas devan zot, pour zot al servi lezot bondye e ador zot,

Egzod 16:29

Gete! SENYER in donn zot saba; sizyenm zour in donn zot dekwa manze pour de zour. Setyenm zour, sakenn ava reste se li; personn pa devre sorti.”

Egzod 20:22

SENYER ti dir Moiz, “La sa ki ou pou dir pep Izrael: Zot in war zot menm ki depi lesyel, mon'n koz avek zot.

Proverb 1:24

Akoz mon ti apel zot, me zot ti refize; akoz mon ti donn zot lanmen, me personn pa ti port atansyon;

Proverb 1:32

Annefe, bann fou pou disparet, akoz zot rezet lasazes. Bann fou i disparet par zot prop lensousyans.

Proverb 13:18

Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.

Proverb 15:32

Sa enn ki refiz lenstriksyon, i mepriz son prop lekor; sa enn ki ekout konsey, i aprann koman reflesir.

Proverb 8:33

Ekout mon bann konsey! Pa les zot de kote e zot ava ganny lasazes.

Ezai 48:6

Ou tande! Get tou sa ki'n arive. Eski ou pa pou anonse? Apartir konmela, mon pe fer ou antann bann keksoz nouvo, bann keksoz ki mon'n gard sekre e ki ou pa ti konnen.

Ezai 64:9

SENYER, pa pran tro lakoler! Pa toultan mazin nou pese. Plito, konsider nou tou koman ou pep.

Zeremi 11:10

Zot in retourn dan fot zot zanset ki ti refize obei mwan. Zot in al ador bann bondye etranze. Izrael ek Zida in kas sa lalyans ki mon ti fer avek zot zanset.

Ezekyel 5:6

I'n revolte kont mon bann desizyon ek regleman plis ki lezot nasyon. Son konportman i pli move ki bann nasyon etranze ki antour li. I'n rezet mon bann desizyon e i pa'n obei mon bann regleman.

Zakari 7:11

Me zot ti refize ekoute. Zot ti tourn ledo e bous zot zorey pour zot pa tande.

Nonm 32:15

Si zot refize obei li, i pou kontinyen les Izrael dan dezer e zot pou responsab lanmor tou sa pep.”

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Matye 8:4

Apre, Zezi ti dir li, “Fer atansyon! Pa dir sa avek personn, me al prezant ou devan pret. Apre, al ofer lofrann ki Moiz in ordonnen. Sa i ava prouve ki ou'n geri.”

Akt de Zapot 7:35

Sa Moiz ki bann Izraelit ti rezete, kan zot ti dir li: Lekel ki'n etabli ou koman sef e ziz? Bondye ti anvoy li koman sef e liberater, par lentermedyer sa lanz ki ti aparet avek li dan sa zarbis.

Deterononm 18:19

Sa enn ki pa ekout parol ki sa profet ava dir dan mon non, mwan menm ki pou demann li rann kont.

Deterononm 30:17

Me si ou leker i detournen, si ou pa ekoute, si ou les ou ganny antrennen pour prosternen devan lezot bondye e servi zot,

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

1 Tesalonisyen 5:15

Fer atansyon ki personn pa rann mal pour mal, me dan tou lokazyon, esey touzour fer dibyen kanmarad, ensi ki tou lezot dimoun.

2 Timote 4:4

Zot pou nepli oule ekout laverite, me zot pou prefer bann fab.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 12:19

Zot pa ti antann son en tronpet ek tapaz en lavwa. Kan bann Izraelit ti antann sa lavwa, zot ti dir pa koz avek zot ankor.

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.

Ebre 3:17

Kont ki, eski Bondye ti pran lakoler pandan 40 an? Pa kont sa bann ki ti ofans li, ki ti tonbe e mor dan dezer?

Ebre 8:5

Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.

Zozye 22:15

Zot ti al dan pei bann Ribenit, bann Gadit, ek demi tribi Manase dan pei Galaad. La sa ki zot ti dir,

Zozye 22:16

“La sa ki tou lakominote SENYER i dir: Ki sa traizon ki zot in komet kont Bondye Izrael? Zot in tourn ledo avek SENYER e zot in konstri en lotel ozordi? Ozordi, zot in revolte kont SENYER.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Revelasyon 19:10

Alor, mon ti tonm ater dan son lipye pour ador li, me i ti dir mwan: Non, pa fer sa! Mon en serviter parey ou ek ou bann frer ki gard temwannyaz Zezi. Ador Bondye. Annefe, temwannyaz Zezi i lespri profesi.

Revelasyon 22:9

Me i ti dir mwan: Pa fer sa! Mwan osi mon en serviter parey ou, parey ou bann frer bann profet ek tou bann ki obei parol sa liv. Bondye ki ou bezwen adore.