Ebre 12:24 - Labib An Kreol Seselwa

²⁴ Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 12:24 ပူးပေါင်းရင်းမြစ်များ

Zenez 4:10

SENYER ti dir, “Ki ou'n fer? Disan ou frer pe kriy ver mwan depi later.

Egzod 24:8

Alor, Moiz ti pran sa disan ki ti dan sa bol. I ti asperz lepep, an dizan: Sa i disan lalyans ki SENYER in fer avek zot dapre tou sa bann parol.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Levitik 1:5

I ava egorz sa zannimo devan SENYER. Alor bann pret, bann garson Aaron, ava prezant disan e asperz otour lotel ki dan lantre Latant Rankont.

Matye 23:35

Alor, disan tou sa bann inosan ava tonm lo zot, depi disan Abel, sa inosan, ziska disan Zakari, garson Bakari ki zot ti touye ant sanktyer ek lotel.

Matye 26:28

Sa i mon disan, disan lalyans ki'n ganny verse pour bokou, pour pardon bann pese.

Mark 14:24

I ti dir zot, “Sa i mon disan, disan lalyans ki'n ganny verse pour bokou.

Levanzil dapre Lik 11:51

depi disan Abel ziska disan Zakari, ki ti ganny touye ant lotel ek sanktyer. Wi! Mon dir zot, sa zenerasyon pou bezwen rann kont pour tou sa bann krim.

Levanzil dapre Lik 22:20

Demenm, apre repa, i ti osi pran lakoup. I ti dir, “Sa lakoup i nouvo lalyans dan mon disan ki'n ganny verse pour zot.”

Galat 3:20

Me en lentermedyer napa son rezondet kan i annan zis en sel dimoun, e Bondye li, i en sel.

1 Timote 2:5

Annefe, i annan en sel Bondye e en sel medyater ant Bondye ek bann imen: En zonm, Zezi-Kri,

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Ebre 7:22

Donk, par sa parol, Zezi i garanti nou en meyer lalyans.

Ebre 8:13

Kan Bondye ti koz lo en nouvo lalyans, i ti fer sa enn premye vin ansyen. Alor, sa enn ki ansyen e ki'n vyeyi, i pre pou disparet.

Ebre 8:6

An realite, Kris in ganny etabli dan en servis bokou pli siperyer ki pour lezot pret. Annefe, i lentermedyer dan en meyer lalyans, akoz i'n ganny fonde lo bann pli gran promes.

Ebre 8:8

Me Bondye ti trouv defo avek son pep kan i ti deklare: Sa bann zour pe vini, Senyer i deklare, kan mon pou etabli en nouvo lalyans avek pep Izrael e avek pep Zida.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

Ebre 9:19

Annefe, Moiz ti proklanm tou komannman Bondye devan lasanble pep Izrael, dapre Lalwa. Apre, i ti pran disan bann toro, bann bouk ek delo. Avek lalenn rouz ek en brans izop, i ti asperz lo liv Lalwa e lo pep antye.

Ebre 9:21

Apre sa, dan menm fason, Moiz ti asperz disan lo latant ek tou bann lobze ki servi pour ladorasyon.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.