Ebre 12:19 - Labib An Kreol Seselwa

¹⁹ Zot pa ti antann son en tronpet ek tapaz en lavwa. Kan bann Izraelit ti antann sa lavwa, zot ti dir pa koz avek zot ankor.

Ebre 12:19 ပူးပေါင်းရင်းမြစ်များ

Egzod 20:22

SENYER ti dir Moiz, “La sa ki ou pou dir pep Izrael: Zot in war zot menm ki depi lesyel, mon'n koz avek zot.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

1 Korentyen 15:52

dan en pti moman, dan en klendey, kan dernyen tronpet pou soufle. Annefe, tronpet pou soufle e bann mor pou resisite imortel; e nou, nou pou ganny transformen.

Deterononm 18:16

Sanmenm sa ki ou ti pe reklanmen avek SENYER, ou Bondye ler ou ti lo montanny Horeb, zour rasanbleman, ler ou ti dir: Mon pa oule ekout ankor lavwa SENYER mon Bondye, ni war sa gran dife ankor, pour mwan pa mor.

Deterononm 4:11

Zot ti aprose e debout devan montanny ki ti anflanm ziska dan lesyel e kouver avek nyaz ek brouyar.

Deterononm 4:12

Dan milye sa dife, SENYER ti koz avek zot. Zot ti antann son bann parol, me zot pa ti war okenn laform. Zot ti antann zis en lavwa.

Deterononm 4:33

Eski en pep in deza antann lavwa Bondye dan milye dife, parey ou ti tande e reste vivan?

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.