Ebre 12:16 - Labib An Kreol Seselwa

¹⁶ Fer atansyon ki personn pa anmenn en lavi imoral. Pa mank respe pour sa ki sakre, parey Ezai ki, pour en sel repa, ti vann son drwa koman lene garson.

Ebre 12:16 ပူးပေါင်းရင်းမြစ်များ

Zenez 27:36

Ezai ti dir, “Pa pour nanryen ki son non i Zakob? Deza, i'n tronp mwan de fwa. I'n pran mon drwa lene garson, e la, i'n pran mon benediksyon. Eski ou pa'n rezerv en benediksyon pour mwan?”

Mark 7:21

Annefe, se dan leker dimoun ki tou sa bann move keksoz i sorti: Move panse, move aksyon, vol, krim,

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Akt de Zapot 15:29

Pa manz lavyann ki'n ganny sakrifye avek zidol, pa manz disan, pa manz zannimo toufe, e evit tou imoralite. I ava byen si zot evit fer tousala. Adye!

1 Korentyen 10:8

Pa tonm dan limoralite seksyel parey serten parmi zot ti fer, de sort ki 23,000 ti mor dan en sel zour.

2 Korentyen 12:21

Mon per ki kan mon ariv kot zot, mon Bondye ava imilye mwan devan zot. Mon ava bezwen plere lo bokou parmi zot ki'n kontinyen komet pese parey dan lepase; ki pa'n abandonn zot lavi dezord, limoralite ek vis ki zot ti pratike.

Efezyen 5:3

Zot fer parti pep Bondye. Par konsekan, veye ki tou form imoralite seksyel, lavi dezordonnen ek lanvi, pa menm ganny mansyonnen parmi zot.

Efezyen 5:5

Zot devre konnen ki napa personn ki pe anmenn en lavi imoral, sal, e avar (lavaris se idolatri) ki pou ganny en plas dan Rwayonm Kris ek Bondye.

Kolosyen 3:5

Alor, met anmor bann dezir materyel ki dan zot: Limoralite seksyel, lenpirte, pasyon, move dezir, lavaris (lavaris se idolatri).

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!