Ebre 12:13 - Labib An Kreol Seselwa

¹³ Fer bann santye byen drwat pour zot lipye, pour ki sa enn ki bwete pa deranz son lipye, me plito ki i geri.

Ebre 12:13 ပူးပေါင်းရင်းမြစ်များ

Ezai 35:3

Redonn lafors bann lanmen ki fatige; rann solid bann zenou ki pe tranble.

Ezai 35:6

Bann ki bwete pou sote parey en serf e lalang bann kozpa pou sant dan lazwa. Delo pou sourse annabondans dan dezer e bann larivyer pou koule dan bann landrwa sek.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 58:12

Alor, ou ava repar bann lavil ki'n tonm anrin; ou pou rekonstri fondasyon bann zenerasyon pase. Dimoun pou apel ou: Sa enn ki repar bann miray grennen, e restor bann semen e rann lavil abitab.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Levanzil dapre Lik 3:5

Tou bann vale pou ganny konble; tou bann montanny ek tou kolin pou ganny aplati. Bann semen kontour, pou vin drwat; bann semen abos, pou vin plat.

Galat 2:14

Kan mon ti war ki zot ti pe mal fer, e ki zot fason azir pa ti dapre laverite Bonn Nouvel, mon ti dir avek Pyer devan tou dimoun ki ti la: Si ou ki Zwif, ou viv parey bann non-Zwif, e non pa parey Zwif, ki mannyer ou, oule fors bann non-Zwif viv parey bann Zwif?

Galat 6:1

Mon bann zanmi! Si zot arive sirprann en dimoun pe fer en keksoz mal, zot ki posed Lespri Bondye, zot devre anmenn li lo vre semen avek douser. Sakenn vey byen son prop lekor, fer atansyon ki ou menm, ou pa ganny tante.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.