Ebre 11:7 - Labib An Kreol Seselwa

⁷ Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 11:7 ပူးပေါင်းရင်းမြစ်များ

Zenez 19:14

Alor, Lot ti al kot son bann zann, sa bann ki ti pou marye avek son bann fiy. I ti dir zot, “Leve! Kit sa landrwa, akoz SENYER pou detri lavil.” Me son bann zann ti pran sa koman en fars.

Zenez 6:13

Alor, i ti dir Noe, “Mon'n deside met lafen avek tou. Later i ranpli avek vyolans akoz zonm. Mon pou detri zot ansanm avek later.

Zenez 6:22

Noe ti fer tou sa ki Bondye ti'n dir li.

Zenez 6:9

La lalis bann desandan Noe. Dan zenerasyon sa lepok, Noe ti en zonm zis e san repros. I ti mars avek Bondye.

Zenez 7:23

SENYER ti detri tou kreatir lo later: Depi dimoun ziska bann zannimo, zannimo domestik ek bann pti bebet. Menm bann zwazo dan lezer ti ganny detri. Ti reste zis Noe avek bann dimoun ki ti avek li dan lars.

Zenez 7:5

Noe ti fer egzakteman, tou sa ki SENYER ti'n ordonn li.

Zenez 8:16

“Sorti dan lars avek ou fanm, ou bann garson ek fanm ou bann garson.

2 Rwa 4:5

Alor, sa fanm ti kit li, i ti ferm son laport deryer li ek son bann garson. Zot ti donn li bann resipyan ki i ti ranpli.

Liv Zob 35:8

Ou mesanste i afekte zis zonm parey ou, e dibyen ki ou fer i itil zis pour en et imen parey ou.

Proverb 22:3

Ler maler i vini, en zonm pridan i war e i al kasyet; sa enn ki san leksperyans, i fonse e i pey son konsekans.

Proverb 27:12

Ler maler pe vini, sa enn ki pridan i al kasyet; bann inyoran i tanpi, me zot pey ser.

Ezekyel 14:14

Menm si sa trwa zonm i parmi zot: Noe, Danyel ek Zob, zis zot ki ava sov zot lavi, par zot fidelite, Senyer BONDYE ki deklare.

Ezekyel 14:20

menm si Noe, Danyel ek Zob i parmi zot, osi vre ki mon vivan, Senyer BONDYE i deklare, personn pa pou sove, ni zot garson, ni zot fiy. Zis sa trwa zonm ki pou ganny sove, akoz zot fidelite.

Ezekyel 33:5

I mor par son prop fot akoz i'n antann tronpet, me i'n negliz lavertisman. Alor, i responsab son lanmor. Sa enn ki pran kont lavertisman, i sov son lavi.

Matye 2:12

Apre, zot ti retourn se zot par en lot semen, akoz Bondye ti'n averti zot dan en rev pour pa retourn kot Herod.

Matye 24:15

“Zot ava war sa enn ki apel Devastater Terib ki profet Danyel in koz lo la. I pou ganny enstale dan landrwa sen. Sa enn ki lir sa, konpran!

Matye 24:25

La mon'n anons zot tousala davans.

Matye 24:38

Dan sa bann zour avan deliz, dimoun ti pe manze e bwar, dimoun ti pe marye e fer marye zot zanfan, ziska zour ki Noe ti antre dan lars.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Levanzil dapre Lik 17:26

Sa ki ti arive dan lepok Noe, i pou osi arive dan lepok Fis-de-Lonm.

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Romen 10:6

Me la sa ki'n ganny dir konsernan lazistis par lafwa: Pa dir dan ou leker: Lekel ki pou mont dan lesyel? Setadir, pour fer Kris desann.

Romen 3:22

Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon.

Romen 4:11

I ti ganny sirkonsi plitar koman en siny. Sa ti en mark ki montre ki akoz son lafwa, Bondye ti konsider li koman en zis, alor ki i pa ti'n ankor ganny sirkonsi. Konmsa, Abrahanm in vin papa tou sa bann ki krwar dan Bondye menm san ganny sirkonsi, me ki Bondye osi i konsider koman bann zis.

Romen 4:13

Bondye ti promet Abrahanm ek son desandan ki zot pou erit later, pa akoz Abrahanm ti obei Lalwa, me akoz i ti ganny konsidere koman zis, par son lafwa.

Romen 9:30

Alor, ki nou pou dir? La sa ki nou pou dir: Bann non-Zwif ki pa ti pe rod vin zis devan Bondye, zot in vin zis devan li, me par lafwa.

Galat 5:5

Kanta nou, nou met nou lespwar dan Bondye ki pou rann nou zis devan li. Sanmenm sa ki nou pe espere, par pwisans Lespri Sen ki travay atraver nou lafwa.

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Ebre 8:5

Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.

2 Pyer 2:5

Bondye pa'n eparny lemonn ansyen, me i ti anvoy deliz lo son bann move zabitan. I ti prezerv lavi wit dimoun ansanm avek Noe, ki ti proklanm lazistis.

2 Pyer 3:6

Egalman, lemonn ansyen ti ganny detri par delo, kouver par sa gran deliz.