Ebre 11:5 - Labib An Kreol Seselwa

⁵ Par lafwa, Henok ti ganny anleve pour li pa pas par lanmor. Personn pa ti revwar li, akoz Bondye ti'n pran li. Avan sa, i ti'n ganny rekonnet koman enn ki ti fer plezir Bondye.

Ebre 11:5 ပူးပေါင်းရင်းမြစ်များ

2 Rwa 2:1

Kan letan ti'n arive pour SENYER fer Eli mont dan lesyel dan en tourbiyon, Eli ti pe al Gilgal avek Elize.

2 Rwa 2:11

Letan zot ti pe kontinyen koze an marsan, zot ti ganny separe par en kales dife ek bann seval dife e Eli ti mont dan lesyel dan en tourbiyon.

Psonm 89:48

Lekel ki kapab viv san konn lanmor? Lekel ki kapab sape dan pouvwar lemonn lanmor?

Zeremi 36:26

Alor, lerwa ti donn lord son garson Zerameel ek Seraya, garson Azriel ek Selemia, garson Abdeel, pour al aret profet Zeremi ek Barouk son sekreter. Me SENYER ti kasyet zot.

Levanzil dapre Lik 2:26

Lespri Sen ti'n fer li konnen ki i pa pou mor avan ki i war Mesi ki Senyer ti'n promet.

Levanzil dapre Lik 3:37

garson Lamek, garson Matousalenm, garson Henok, garson Yered, garson Maleleel, garson Kenann,

1 Tesalonisyen 2:4

Me Bondye in teste nou pour konfye nou son Bonn Nouvel. Nou pa prese pour fer plezir zonm, me pour fer plezir Bondye ki war dan fon nou leker.

Ebre 11:6

San lafwa, personn pa kapab fer plezir Bondye. Annefe, sa enn ki apros kot Bondye i devre krwar ki Bondye i egziste e ki i rekonpans tou dimoun ki rod li.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

1 Zan 3:22

Nenport kwa ki nou demann li, nou pou gannyen, akoz nou gard son komannman e nou fer sa ki fer li plezir.

Let Zid 1:14

Depi lontan, Henok, setyenm desandan Adan, i'n profetize lo zot size, kan i ti dir: Senyer pe vin avek son bann dizenn milye lanz sen.