Ebre 11:3 - Labib An Kreol Seselwa

³ Par lafwa, nou konpran ki liniver ti ganny kree par Parol Bondye. Pour sa rezon, sa ki nou war la, in ganny fer avek sa ki nou pa war.

Ebre 11:3 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Psonm 33:9

Koman in koze, later i egziste. Koman in donn lord, later in egziste.

Ezai 40:26

Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Levanzil dapre Zan 1:3

Par li, tou keksoz ti ganny fer; napa nanryen dan kreasyon ki'n ganny fer san li.

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Akt de Zapot 17:24

Bondye ki'n kree lemonn ek tou sa ki ladan, i Senyer lesyel ek later. I pa reste dan bann tanp ki'n ganny konstri par lanmen zonm.

Romen 4:17

Parey i'n ekri dan Lekritir: Mon'n fer ou vin papa en kantite nasyon. Abrahanm i nou papa devan Bondye, dan ki i'n krwar. Dan sa Bondye ki rann lavi sa bann ki'n mor e ki donn legzistans sa ki pa ti egziste.

1 Korentyen 2:7

Mon pe anons lasazes sekre Bondye ki'n kasyet pour zonm. Depi avan kreasyon lemonn, Bondye ti'n deza swazir sa lasazes pour fer nou partisip dan son laglwar.

1 Timote 4:5

Annefe, Parol Bondye ek lapriyer i rann tou keksoz sen.

Ebre 1:2

Aprezan dan sa dernyen letan, in koz avek nou atraver son Garson. Par li, Bondye in kree liniver e i'n etabli li koman zeritye lo tou keksoz.

Ebre 6:5

Zot in dekouver ki mannyer Parol Bondye i bon e zot in fer leksperyans bann pwisans lemonn fitir.

2 Pyer 3:5

Zot oubliy par ekspre, ki depi byen lontan lesyel ek later in ganny formen par Parol Bondye. Later in sorti dan delo, e in ganny tenir ansanm par delo.

Revelasyon 4:11

Senyer, nou Bondye! Ou merit resevwar laglwar, loner ek pwisans. Ou ki'n kree tou keksoz. Par ou lavolonte ki zot egziste e ki zot i'n ganny kree.