Ebre 11:27 - Labib An Kreol Seselwa

²⁷ Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.

Ebre 11:27 ပူးပေါင်းရင်းမြစ်များ

Psonm 16:8

Mon touzour fikse mon lizye lo SENYER. SENYER i touzour prezan devan mwan. Mon pa pou tonbe.

Egzod 11:8

Tou dimoun dan ou lantouraz pou vin prosternen devan mwan. Zot pou dir: Ale! Al avek tou ou pep ki pe swiv ou. Apre sa, mon pou ale”. Moiz ti sorti kot Faraon dan en gran lakoler.

Egzod 12:11

La ki mannyer zot pou manz li: Zot ava met zot sentir dan leren, sandal dan lipye e baton dan lanmen. Zot ava manz an vites. Sa i Pak SENYER.

Egzod 12:50

Pep Izrael antye ti fer tou sa ki SENYER ti'n ordonn Moiz ek Aaron.

Egzod 4:19

Dan pei Madyann, SENYER ti dir Moiz, “Ale! Retourn Lezip, akoz sa bann dimoun ki ti pe rod touy ou, in mor.”

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Matye 24:13

Me sa bann ki reste fidel ziska lafen pou ganny sove.

Mark 13:13

Tou dimoun pou ay zot akoz mon non. Me sa enn ki reste fidel ziska lafen, pou ganny sove.

Mark 4:17

Me akoz zot napa rasin, zot tenir zis pour en pti moman. Kan difikilte ek persekisyon akoz Laparol i arive, deswit zot tonbe.

Akt de Zapot 2:25

Annefe, David ti dir lo son size: Mon ti war Senyer toultan devan mwan. I touzour dan mon kote drwat pour mwan pa tranble.

1 Korentyen 13:7

Lanmour i pardonn tou, i krwar tou, i esper tou, i siport tou.

2 Korentyen 4:18

Annefe, nou pa pe pran ka avek keksoz ki nou war, me plito avek sa ki nou pa war. Wi! Sa ki nou war i zis pour en pe letan. Me sa ki nou pa war i eternel.

Kolosyen 1:15

Kris i zimaz vizib Bondye ki envizib. I lene dan kreasyon antye.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

Ebre 10:32

Rapel zot sa ki ti arive avek zot apre ki zot ti'n resevwar lalimyer Bondye: Zot in bokou soufer e zot in bezwen siport en gro konba.

Ebre 11:1

Lafwa i larealite sa ki nou pe espere, sertitid dan keksoz ki nou pa war.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Ebre 6:15

Ensi, apre ki i ti'n esper avek pasyans, Abrahanm ti resevwar sa ki Bondye ti'n promet li.

Let Zak 5:11

Nou deklar zot byennere akoz zot i'n reste fidel. Zot in antann koz lo pasyans Zob. Zot in war sa ki Senyer in fer pour li alafen. Annefe, Senyer i ranpli avek labonte ek konpasyon.

1 Pyer 1:8

Zot kontan li, menm si zot pa'n zanmen war li. Zot krwar dan li, menm si zot pa ankor war li. Pour sa rezon, zot dan en lazwa si gran ki pa kapab ganny eksprimen par parol.