Ebre 11:13 - Labib An Kreol Seselwa

¹³ Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Ebre 11:13 ပူးပေါင်းရင်းမြစ်များ

Zenez 21:34

Abrahanm ti reste en bon pe letan koman en etranze dan pei bann Filisten.

Zenez 23:4

I ti dir zot, “Mon pe viv isi parmi zot koman en etranze. Vann mwan en propriyete koman en landrwa pour anter mon fanm.”

Zenez 25:8

Apre en lavyeyes ere, Abrahanm ti mor e i ti ganny antere.

Zenez 47:9

Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

Zenez 48:21

Apre Izrael ti dir Zozef, “Mon pre pour mor. Bondye pou avek ou e i pou fer ou retourn dan pei ou bann zanset.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Zenez 49:18

SENYER! Mon esper ou, e ou ava sov mwan.

Zenez 49:28

Ti annan an tou, 12 tribi Izrael. Sa ti benediksyon ki zot papa ti donn sakenn zot. Sakenn ti resevwar en benediksyon spesyal.

Zenez 49:33

Apre ki Zakob ti'n fini donn zot sa bann lord, i ti rann son dernyen souf. I ti al zwenn son bann zanset dan lanmor.

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

Liv Zob 19:25

Mwan, mon konnen ki mon redanmter i vivan e ki anfen, i pou leve lo sa later.

Psonm 119:19

Mon zis en pasaze lo later; pa kasyet mwan ou bann komannman.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Egzod 2:22

I ti donn nesans en garson ki i ti apel Gersonn, savedir etranze. I ti dir: Mon en refizye dan en pei etranze.

Levitik 25:23

Later pa pou ganny vann dan en fason definitif; pei i pour mwan. Zot se mwan koman bann etranze e bann viziter.

Nonm 10:30

Hobab ti reponn li, “Non! Mon pa pe vini, mon pe retourn dan mon fanmir kot mon sorti.”

Nonm 24:17

Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.

Matye 13:17

Mon dir zot, sa i laverite: Bokou profet, bokou bon dimoun ti anvi war sa ki zot pe war, me zot pa'n war; zot ti anvi antann sa ki zot pe tande, me zot pa'n tande.”

Levanzil dapre Zan 12:41

Ezai ti dir sa akoz i ti'n war son mazeste e i'n koz lo li.

Levanzil dapre Zan 8:56

Zot papa Abrahanm ti war mon zour e i ti rezoui. I ti war, e sa ti fer li ere.”

Romen 4:21

I ti sir ki Bondye i annan pouvwar pour akonpli son promes.

Romen 8:24

I vre: Nou'n ganny sove, me dan lesperans selman. Si nou war sa ki nou pe espere, sa i nepli lesperans. Annefe, personn pa esper en keksoz ki deza la.

2 Korentyen 4:18

Annefe, nou pa pe pran ka avek keksoz ki nou war, me plito avek sa ki nou pa war. Wi! Sa ki nou war i zis pour en pe letan. Me sa ki nou pa war i eternel.

2 Korentyen 5:6

Alor, nou touzour ranpli avek kouraz. Nou konnen ki tan ki nou pe viv dan sa lekor, nou ankor lwen avek Senyer.

Efezyen 2:19

Par konsekan, zot bann non-Zwif, zot nepli bann etranze, ni bann egzile. Me zot aprezan bann konsitwayen, manm pep Bondye, e zot form parti lafanmir Bondye.

Ebre 11:14

Sa bann ki ti koz konmsa, ti montre klerman ki zot ti pe rod en patri.

Ebre 11:17

Par lafwa, kan Bondye ti teste li, Abrahanm ti ofer Izaak an sakrifis. I ti pare pour ofer son sel garson an sakrifis, alor ki i ti'n resevwar en promes.

Ebre 11:27

Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.

Ebre 11:39

Tou sa bann dimoun in ganny rekonnet par Bondye akoz zot lafwa. Pourtan, zot pa'n resevwar sa ki zot ti'n ganny promet.

1 Pyer 1:1

Sa let i sorti kot Pyer, en zapot Zezi-Kri, pour bann pep egzile ki viv koman refizye, e ki'n disperse atraver provens Pon, Galasi, Kapados, Lazi ek Bitini.

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

1 Zan 3:19

Konmsa ki nou pou konnen ki nou bann zanfan laverite. Konmsa, nou leker ava anpe devan li.