Ebre 11:1 - Labib An Kreol Seselwa

¹ Lafwa i larealite sa ki nou pe espere, sertitid dan keksoz ki nou pa war.

Ebre 11:1 ပူးပေါင်းရင်းမြစ်များ

Psonm 27:13

Mon sir ki mon pou war labonte SENYER lo sa later kot nou pe viv.

Psonm 42:11

Akoz mon dekouraze? Akoz mon plenny lo mon sor? Met ou konfyans dan Bondye! Loue li ankor, i mon Sover e mon Bondye!

Akt de Zapot 20:21

Mon'n sipliy Zwif koman Grek pour tourn kot Bondye e krwar dan nou Senyer Zezi-Kri.

1 Korentyen 13:13

Aprezan, lafwa, lesperans ek lanmour i reste ansanm. Me lanmour i pli gran ki tou.

2 Korentyen 11:17

Byen sir, sa ki mon pe dir la, pa Senyer ki dir, akoz mon pe vant mon lekor koman en fou.

2 Korentyen 4:18

Annefe, nou pa pe pran ka avek keksoz ki nou war, me plito avek sa ki nou pa war. Wi! Sa ki nou war i zis pour en pe letan. Me sa ki nou pa war i eternel.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

2 Korentyen 5:7

Annefe, nou pe mars par lafwa, pa avek nou lizye.

2 Korentyen 9:4

Fodre pa ki kan sa bann Masedonyen ki akonpanny mwan i vini, zot war ki zot pa pare. Sa i ava fer nou onte, nou ki annan telman lasirans lo zot size; san kont laont ki pou tonm osi lo zot!

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Let Pol pour bann Tit 1:1

Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 10:39

Nou, nou pa parmi sa bann dimoun ki retourn annaryer e ki ganny detri. Okontrer, nou parmi bann ki annan lafwa e ki pou ganny sove.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Ebre 11:27

Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 2:3

Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

2 Pyer 1:1

Sa let i sorti kot Simon Pyer, en serviter e zapot Zezi-Kri, pour bann ki'n resevwar en lafwa osi presye ki pour nou, par lazistis nou Bondye e nou Sover Zezi-Kri.