Ebre 10:5 - Labib An Kreol Seselwa

⁵ Se pour sa rezon, kan Kris ti pe vin dan lemonn, i ti dir Bondye: Ou pa oule ni sakrifis, ni lofrann, me ou'n prepar en lekor pour mwan.

Ebre 10:5 ပူးပေါင်းရင်းမြစ်များ

Zenez 3:15

Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.

Ezai 1:11

SENYER i'n deklare: Ki mon annan pour fer avek tou zot kantite sakrifis? Mon'n ganny ase avek sakrifis konplet bann mouton mal e avek lagres bann zannimo ki'n ganny angrese; ni disan toro, ni disan zenn mouton, ni disan bouk pa fer mwan plezir.

Ezai 40:16

Liban pa fourni ase bwafe. Napa ase zannimo pour sakrifis konplet.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Zeremi 31:22

Fiy rebel! Pandan konbyen letan ou pou ankor ezite? SENYER in kre en keksoz nouvo lo later: Fanm ki pou fer lakour avek zonm.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Matye 11:3

“Ou menm sa enn ki devre vini, oubyen fodre ki nou esper en lot?”

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Levanzil dapre Lik 7:19

Zan ti apel de son bann disip. I ti anvoy zot kot Zezi pour demann li: Ou menm sa enn ki devre vini, oubyen eski nou bezwen esper en lot?

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Ebre 1:6

Par kont, kan Bondye ti anvoy son lene Garson dan lemonn, i ti deklare: Tou bann lanz Bondye ava ador li.

Ebre 10:10

Zezi-Kri in fer lavolonte Bondye. I'n ofer li menm en fwa pour tou. Konmsa ki nou pese in ganny pardonnen.

Ebre 10:7

Alor, mon ti dir: Mon Bondye! La mon la. Parey i'n ekri lo mon size dan Lekritir, Mon vin fer ou lavolonte.

Ebre 10:8

Dabor Zezi ti deklare: Ou pa'n oule e ou pa'n aksepte ni sakrifis, ni lofrann, ni zannimo brile lo lotel, ni sakrifis pour pardon pese. Pourtan, sa i bann lofrann ki Lalwa Moiz i ordonnen.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

Ebre 5:7

Pandan son lavi lo later, Zezi ti priye e sipliy Bondye avek bann leokri ek bann larm. I ti priy sa enn ki ti kapab sov li dan lanmor. Bondye ti egzos li akoz son lobeisans.

Ebre 8:3

Annefe, tou Gran-Pret i ganny etabli pour prezant bann lofrann ek bann sakrifis. Alor, i neseser ki li osi, i annan keksoz pour ofer.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.