Ebre 10:38 - Labib An Kreol Seselwa

³⁸ Me sa enn ki zis, pou viv par lafwa. Mon pa pran plezir avek sa enn ki retourn annaryer.

Ebre 10:38 ပူးပေါင်းရင်းမြစ်များ

2 Samyel 22:22

Mon'n met an pratik komannman SENYER. Mon'n reste fidel anver mon Bondye.

Psonm 147:11

Me SENYER i pran plezir dan dimoun ki annan respe pour li, dan sa bann ki'n met zot lespwar dan son fidelite.

Psonm 149:4

SENYER i pran plezir dan son pep; i donn laviktwar bann ki pov.

Psonm 5:4

Ou pa en Bondye ki pran plezir dan mesanste; malfeter pa reste devan ou.

Psonm 85:8

Mon pou ekout sa ki SENYER Bondye i annan pour li dir. I promet lape pour son pep, pour dimoun ki reste fidel anver li, me ki pa retonm dan menm betiz.

Ezai 42:1

Mon prezant mon serviter ki mon tenir par lanmen; mon'n swazir li avek lazwa. Mon'n fer mon lespri repoz lo li pour ki i pratik lazistis devan bann nasyon.

Ezekyel 18:24

Me si en dimoun zis i abandonn sa ki byen pour al fer sa ki mal e imit bann malfeter dan zot pratik degoutan, eski i pou viv? Tou bann bon aksyon ki i'n fer pou ganny oubliye. I pou mor, akoz tou son bann pese ek enfidelite ki i'n komet.

Ezekyel 3:20

Si en dimoun zis i abandonn sa ki byen e konmans pratik sa ki mal, mon pou plas en pyez dan son semen. I pou mor. Si ou pa averti li son danze, i pou mor dan son pese. Son bann bon aksyon pase pa pou servi li; me ou, mon pou fer ou rann kont son lanmor.

Ezekyel 33:13

Si mon dir en zonm zis ki i pou viv, me li i krwar ki son bon lavi dan lepase pou sov li e i azir mal, okenn son bann bon aksyon avan pa pou annan valer; i pou mor dan son move kondwit.

Habakouk 2:4

I gonfle avek lorgey, i pa fer sa ki drwat. Me sa enn ki zis, pou viv par son lafwa.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Matye 12:18

La mon serviter ki mon'n swazir, sa enn ki mon kontan, e dan ki mon'n met tou mon lazwa. Mon pou met mon Lespri lo li, pour li anons lazistis avek tou bann nasyon.

Matye 13:21

Me Laparol pa'n pran rasin dan zot; i pa reste dan zot leker pour lontan. Alor, osito ki troub oubyen persekisyon i arive akoz Laparol, deswit zot tonbe.

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Galat 3:11

I kler ki personn pa ganny zistifye devan Bondye par Lalwa. Annefe, Lekritir i deklare: Sa enn ki zis pou viv par lafwa.

1 Tesalonisyen 2:15

Sa bann dimoun ki'n met anmor Senyer Zezi ek bann profet, zot in osi persekit nou. Sa pa'n fer plezir Bondye. Pour sa rezon, zot in vin lennmi tou dimoun.

Ebre 10:39

Nou, nou pa parmi sa bann dimoun ki retourn annaryer e ki ganny detri. Okontrer, nou parmi bann ki annan lafwa e ki pou ganny sove.

Let Zak 5:6

Zot in kondann e touy dimoun inosan, ki pa'n montre okenn rezistans.

1 Zan 2:19

Sa bann dimoun in sorti kot nou, me zot pa ti vreman avek nou. Annefe, si zot ti avek nou, zot ti ava'n reste avek nou. Me zot in ale e konmsa, zot in montre ki zot pa ti avek nou.