Ebre 10:36 - Labib An Kreol Seselwa

³⁶ Zot bezwen persevere pour akonpli lavolonte Bondye e resevwar sa ki i'n promet zot.

Ebre 10:36 ပူးပေါင်းရင်းမြစ်များ

Psonm 37:7

Gard silans devan SENYER, esper li avek pasyans. Pa pran lakoler kont sa bann ki reisi dan lavi, kont sa ki fer bann move kou.

Psonm 40:1

Avek pasyans, mon'n esper led SENYER. I'n port atansyon lo mwan e i'n antann mon lapel.

Matye 10:22

Tou dimoun pou ay zot akoz mwan. Me sa enn ki persevere ziska lafen, pou ganny sove.

Matye 12:50

Sa enn ki fer lavolonte mon Papa ki dan lesyel, li menm, mon frer, mon ser, mon manman.”

Matye 21:31

Lekel ant sa de ki ti fer lavolonte son papa?” Zot ti reponn, “Sa enn premye.” Alor, Zezi ti dir zot, “Mon dir zot, sa i laverite: Bann kolekter taks ek bann prostitye pou antre dan Rwayonm Bondye avan zot.

Matye 24:13

Me sa bann ki reste fidel ziska lafen pou ganny sove.

Matye 7:21

Pa tou sa ki apel mwan: Senyer, Senyer, ki pou antre dan Rwayonm lesyel, me zis sa bann ki fer lavolonte mon Papa ki dan lesyel.

Mark 3:35

Sa enn ki fer lavolonte Bondye, li menm mon frer, mon ser ek mon manman.”

Levanzil dapre Lik 21:19

Par zot perseverans, zot ava sov zot lavi.”

Levanzil dapre Lik 8:15

Bann lagrenn ki tonm dan bon later se bann ki antann Laparol avek en leker onnet e bon; zot gard li e avek perseverans zot prodwir bokou fri.”

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

Akt de Zapot 13:22

Apre ki Bondye ti'n rezet Sail, i ti donn zot David koman lerwa. I ti dir lo son size: Mon'n trouv dan David, garson Zese, en zonm dapre mon leker, en zonm ki pou akonpli tou mon volonte.

Akt de Zapot 13:36

Annefe, David ti akonpli plan Bondye dan son zenerasyon. Apre, i ti mor e ganny antere avek son bann zanset, e son lekor in pouri.

Romen 12:12

Reste dan lazwa akoz zot lesperans! Gard pasyans dan lasoufrans! Reste fidel dan lapriyer!

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Romen 2:7

Bann ki fer lebyen, pou ganny laglwar, loner ek limortalite.

Romen 8:25

Me si nou esper sa ki nou pa ankor war, nou esper avek pasyans.

1 Korentyen 13:7

Lanmour i pardonn tou, i krwar tou, i esper tou, i siport tou.

Galat 6:9

Annou pa fatige fer lebyen; akoz si nou pa dekouraze, nou pou rekolte dan son letan.

Efezyen 6:6

Pa fer konmsa zis kan zot met i war zot, zis pour fer li plezir. Me avek tou zot leker, fer lavolonte Bondye, koman bann serviter Kris.

Kolosyen 1:11

Nou demann Bondye pour fortifye zot par pwisans son mazeste, pour ki zot ava kapab siport tou avek pasyans.

Kolosyen 3:24

Annefe, zot konnen ki zot pou resevwar an rekonpans bann byen ki Senyer in rezerve pour zot. Se nou Senyer, Kris, ki zot pe servi.

Kolosyen 4:12

Epafras osi ki sorti kot zot i fer zot salanm. Sa serviter Zezi-Kri pa zanmen aret lite pour zot dan lapriyer, pour ki zot reste solid, koman bann dimoun matir, dan lobeisans lavolonte Bondye dan tou.

1 Tesalonisyen 1:3

Annefe, devan Bondye nou Papa, nou rapel zot lafwa ki efikas, zot lanmour ki aktif, e zot lesperans ki solid dan nou Senyer Zezi-Kri.

Ebre 11:39

Tou sa bann dimoun in ganny rekonnet par Bondye akoz zot lafwa. Pourtan, zot pa'n resevwar sa ki zot ti'n ganny promet.

Ebre 12:1

Nou osi, nou'n ganny antoure par en tel gran lafoul temwen. Annou debaras nou avek tou fardo ki ralanti nou lamars, partikilyerman avek tou pese ki anserkle nou si fasilman. Annou, avek determinasyon, fer sa lakours ki nou'n ganny propoze.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

Ebre 6:15

Ensi, apre ki i ti'n esper avek pasyans, Abrahanm ti resevwar sa ki Bondye ti'n promet li.

Ebre 6:17

Ensi, Bondye ti oule fer sir ki sa bann ki devre benefisye son promes, zot konpran klerman ki i pa pou zanmen retourn lo son desizyon. Alor, i ti konfirm sa promes par en serman.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

1 Pyer 1:9

Annefe, zot pre pour resevwar zot delivrans ki rekonpans pour zot lafwa.

1 Zan 2:17

Lemonn ek tou son bann dezir pou disparet. Me sa enn ki fer lavolonte Bondye i viv pour touzour.

Revelasyon 13:10

Sa enn ki devre vin prizonnyen, pou al dan prizon. Sa enn ki devre ganny touye avek lepe, pou ganny touye avek lepe. Pour sa rezon ki pep Bondye i devre annan pasyans e proklanm son lafwa.

Revelasyon 14:12

Pour sa rezon, bann ki pour Bondye, zot devre persevere, obei bann komannman Bondye e gard lafwa dan Zezi.