Ebre 10:34 - Labib An Kreol Seselwa

³⁴ Zot ti annan konpasyon pour bann prizonnyen; kan zot byen ti ganny sezi, zot ti aksepte sa avek lazwa, akoz zot ti konnen ki zot ti posed bann byen bokou meyer ki dire pour touzour.

Ebre 10:34 ပူးပေါင်းရင်းမြစ်များ

Eklezyas 3:6

I annan en letan pour rode e en letan pour perdi; en letan pour garde en letan pour zete.

Matye 19:21

Zezi ti dir li, “Si oule vin parfe, ale, vann tou sa ki ou posede e partaz sa larzan avek bann pov. Alor, ou ava ganny en trezor dan lesyel. Apre, vini e swiv mwan.”

Levanzil dapre Lik 10:42

En sel keksoz i neseser. Mari in swazir sa meyer par ki personn pa pou ganny pran avek li.”

Levanzil dapre Lik 12:33

Vann tou sa ki zot posede e donn sa larzan bann pov. Fer bann portmonnen ki pa ize, e anmas zot larises dan lesyel, kot voler pa kapab aprose, e kot karya pa kapab detri.

Levanzil dapre Lik 9:25

Ki lavantaz pour en zonm ganny lemonn antye si i perdi, oubyen rin son prop lavi?

Akt de Zapot 21:33

Alor komandan ti apros Pol e fer aret li. I ti donn lord pour atas li avek de lasenn. Apre, i ti demande lekel li e ki i ti'n fer.

Akt de Zapot 28:20

Pour sa rezon ki mon'n demann pour war zot e koz avek zot. Se akoz lespwar pep Izrael ki mon dan sa lasenn.”

Akt de Zapot 5:41

Bann zapot ti kit lasal Konsey, byen kontan, ki zot ti'n ganny konsidere diny pour ganny maltrete pour sa non Zezi.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Efezyen 3:1

Pour sa rezon, mwan Pol, mon prizonnyen Zezi-Kri pour zot, bann non-Zwif.

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Efezyen 6:20

Menm si mon prizonnyen, mon en anbasader Bonn Nouvel. Priye pour ki mon ava kapab koz avek lasirans ki fodre.

Filipyen 1:7

I normal ki mon annan en tel santiman anver zot tou. Annefe, zot tou, zot annan en plas spesyal dan mon leker. Zot tou, zot partisip dan sa don ki Bondye in akord mwan, ozordi ki mon dan prizon, parey yer, kan mon ti pe defann Bonn Nouvel e anons li avek kouraz.

Kolosyen 1:5

Kan pour premye fwa mesaz laverite, Bonn Nouvel, ti ariv kot zot, zot ti ganny anonse lesperans ki ti rezerve pour zot dan lesyel. Se pour sa rezon, ki zot lanmour ek zot lafwa i fonde lo sa ki zot pe espere.

1 Timote 6:19

Alor, zot ava anmas en bon trezor solid pour lavenir, ki ava fer zot ganny vre lavi.

2 Timote 1:16

Mon demann Bondye montre son labonte pour lafanmir Onezifor akoz i'n souvan rekonfort mwan. I pa'n onte akoz mon dan prizon.

2 Timote 2:9

Se pour sa Bonn Nouvel ki mon pe soufer e menm ganny ansennen koman en bandi. Me Parol Bondye pa ganny ansennen.

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.

Ebre 13:14

Annefe, nou demer lo sa later pa pou dire pour touzour; nou pe rod sa lavil ki dan lavenir.

Ebre 13:3

Mazin bann prizonnyen, konmsi ou ti dan prizon avek zot. Mazin bann ki ganny tortire, konmsi ou osi, ou pe ganny tortire.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

Let Zak 1:2

Mon bann frer! Aksepte avek bonker, tou bann leprev ki zot pas ladan.

1 Pyer 1:4

an atandan bann byen ki i'n rezerve pour zot dan lesyel, ki pa kapab ni gate, ni sali, ni fletri.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.