Ebre 10:25 - Labib An Kreol Seselwa

²⁵ Annou pa abandonn nou lasanble parey serten parmi zot i abitye fer, me ankouraz kanmarad, sirtou la ki sa Zour Senyer pe aprose.

Ebre 10:25 ပူးပေါင်းရင်းမြစ်များ

Matye 10:15

Mon dir zot, sa i laverite: Zour zizman, zabitan Sodonm ek Gomor, pou ganny trete mwen severman ki bann zabitan sa lavil.

Matye 18:20

Annefe, la kot de oubyen trwa dimoun in rasanble an mon non, mon pou la parmi zot.”

Levanzil dapre Zan 12:48

Sa enn ki rezet mwan e ki pa aksepte mon mesaz, i annan en ziz: Mon bann parol ki pou ziz li zour lafen lemonn.

Akt de Zapot 16:16

En zour, letan nou ti pe al dan sa landrwa kot bann Zwif i reini pour priye, en servant ti vin zwenn nou. I ti posed en lespri ki ti permet li dir lavenir, e sa ti donn son met bokou larzan par son bann prediksyon.

Akt de Zapot 2:1

Zour Lapannkot, tou bann disip ti'n rasanble ansanm dan en menm landrwa.

Akt de Zapot 2:42

Zot ti konsakre bokou letan pour aprann lansennyman bann zapot. Zot ti viv ansanm, koman frer; zot ti partaz dipen, e pas letan dan lapriyer.

Akt de Zapot 20:7

Premye zour lasemenn, nou ti reini pour kas dipen ansanm. Pol ti adres Lasanble e kontinyen koze ziska minwi, akoz i ti pe ale son lannmen.

Romen 12:8

Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.

1 Korentyen 11:20

Kan zot rasanble, pa repa Senyer ki zot pran.

1 Korentyen 14:23

Sipoze ki Legliz antye i rasanble e ki tou dimoun i konmans koz dan bann lalang enkoni e sipoze ki bann dimoun senp oubyen bann non-krwayan i antre la kot zot ete; pa zot pou dir zot fou?

1 Korentyen 14:3

Me sa enn ki profetize, i koz avek dimoun: I fer zot progrese; i ankouraze e i konsole.

1 Korentyen 3:13

travay sak zonm pou ganny revele zour zizman e son vre valer ava ganny rekonnet. Sa zour, dife pou teste travay sak dimoun; dife pou montre valer travay sak zonm.

1 Korentyen 5:4

Kan zot ava rasanble, mwan osi, mon pou prezan parmi zot annespri, e pwisans nou Senyer Zezi ava manifeste.

Filipyen 4:5

Montre zot bon anver tou dimoun. Senyer i pre pour retournen.

1 Tesalonisyen 4:18

Alor, konsol kanmarad avek sa bann parol.

1 Tesalonisyen 5:11

Alor, ankouraz e fortifye kanmarad, parey zot pe fer.

Ebre 10:24

Annou rode koman nou pou kapab ankouraz kanmarad pour annan lanmour e fer sa ki byen.

Ebre 10:37

Parey Lekritir i deklare: Ankor en pti pe letan, en pti pe menm, sa enn ki pe vini pou arive, i pa pou tarde.

Ebre 13:22

Mon bann frer! Mon demann zot pour siport avek pasyans sa bann parol lankourazman. Annefe, mon let pa long.

Ebre 3:13

Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

Let Zak 5:8

Demenm, zot osi, pran pasyans. Gard kouraz, akoz zour retour nou Senyer i pros.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

2 Pyer 3:11

Akoz tou pou ganny detri konmsa, ki kalite lavi zot devre viv? Zot devre anmenn en lavi sen avek respe pour Bondye.

2 Pyer 3:14

Alor, mon bann zanmi! An atandan sa zour, fer tou zefor posib, pour ki Bondye i trouv zot pir, san defo e dan lape avek li.

2 Pyer 3:9

Nou Senyer pa pe tarde pour realiz son promes parey serten i mazinen, me i pran pasyans anver zot. Annefe, i pa oule ki personn i ganny detri, me ki tou dimoun i repantir.

Let Zid 1:19

Zot menm zot, sa bann foter dezord. Zot napa Lespri Bondye, me zot pe viv anba kontrol zot lensten.