Ebre 10:22 - Labib An Kreol Seselwa

²² Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 10:22 ပူးပေါင်းရင်းမြစ်များ

1 Rwa 15:3

I ti komet tou sa pese ki son papa avan li ti komet; i pa ti vreman fidel anver SENYER son Bondye, parey son papa David.

1 Kronik 12:33

Dan tribi Zabilon, 50,000 gerye pare pour lager, ekipe avek tou bann zarm lager pour ed David avek determinasyon.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

Psonm 111:1

Loue SENYER! Mon pou loue SENYER avek tou mon leker parmi bann ki leker i pir.

Psonm 119:10

Mon rod ou avek tou mon leker; pa les mwan egare lwen avek ou komannman.

Psonm 119:145

Mon apel ou avek tou mon leker. SENYER reponn mwan. Mon pou obzerv ou regleman.

Psonm 119:2

Byennere sa bann ki gard son bann lord, ki rod li avek tou zot leker.

Psonm 119:34

Donn mwan disernman, pour mwan konpran ou lalwa e met li an pratik avek tou mon leker.

Psonm 119:58

Avek tou mon leker mon demann ou: Pran pitye pour mwan parey ou'n promet.

Psonm 119:69

Bann arogan pe sali mwan avek zot mansonz. Me mon gard ou bann direktiv avek tou mon leker.

Psonm 119:7

Mon pou loue ou avek tou mon leker, an mezir ki mon pou etidye ou bann desizyon ki zis.

Psonm 119:80

Mon pou swiv ou bann regleman avek tou mon leker, pour ki mon pa ganny imilye.

Psonm 32:11

Zot ki zis! Rezouir dan SENYER. Zot ki leker i drwat! Sant zot lazwa.

Psonm 51:10

Mon Bondye! Kree dan mwan en leker pir; Redonn mwan en lespri nouvo.

Psonm 73:28

Me pour mwan, kan mon apros avek Bondye, mon dan lazwa. Mon swazir Senyer BONDYE pour mon labri e mon pou rakont tou son bann byenfe.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Psonm 9:1

SENYER! Avek tou mon leker mon remersye ou. Mon pou rakont tou ou bann mervey.

Psonm 94:15

Zizman ava reganny donnen dapre lazistis. Dimoun ki leker i drwat ava aksepte sa bann zizman.

Egzod 29:4

Ou ava anmenn Aaron ek son bann garson kot laport Latant Rankont e ou ava lav zot dan delo.

Proverb 23:26

Mon garson! Donn mwan ou leker; pran plezir swiv mon legzanp.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Ezai 52:15

Bokou nasyon pou reste etonnen; bann lerwa pou ferm zot labous devan li akoz zot pou war sa ki pa ti'n anonse, zot ava konpran sa ki zot pa ti'n zanmen tande.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Zeremi 30:21

Zot sef pou enn parmi zot, SENYER i deklare. Sa enn ki pou diriz zot, pou enn parmi zot. Mon pou fer li vin pre avek mwan, e i ava apros mwan. Annefe, lekel ki pou oze apros mwan san ki mon'n envit li, SENYER i deklare.

Ezekyel 16:9

Apre, mon ti pran delo, benny ou e lav disan ki ti lo ou. Mon ti pas delwil lo ou.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Levitik 14:7

I ava fer laspersyon set fwa lo sa dimoun ki devre ganny pirifye avek son maladi ki parey lalep. Apre, i ava deklar li pir, e i ava larg sa zwazo vivan e les li anvol ver lakanpanny.

Levitik 16:4

I devre met lo li son lenz sakre an linenn, son kannset linenn, en sentir linenn otour son leren, e kouver son latet avek en tirban linenn. Tousala i fer parti son labiyman sakre. I ava met sa labiyman apre ki i'n pran en ben.

Levitik 8:6

I ti al sers Aaron ek son bann garson e fer zot lav zot avek delo.

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

Nonm 8:7

La koman ou ava fer rityel pirifikasyon: Fer aspersyon delo pirifikasyon lo zot; les zot raz zot lekor, lav zot lenz e pirifye zot.

Matye 3:11

Mwan, mon batiz zot dan delo, pour montre ki zot pe sanz zot mannyer viv. Me sa enn ki vin apre mwan, i pou batiz zot avek Lespri Sen ek dife. I pli pwisan ki mwan: Mon pa diny pour tir son sandal.

Levanzil dapre Lik 1:1

Plizyer dimoun in esey ekri sa bann levennman ki'n arive parmi nou.

Levanzil dapre Zan 3:5

Zezi ti reponn li, “Mon dir ou, sa i laverite: Personn pa kapab antre dan Rwayonm Bondye si i pa ne par delo e par Lespri.

Levanzil dapre Zan 8:9

Kan zot ti antann sa, zot ti ale enn par enn, konmansan par sa ki pli vye. Zezi ti reste li tousel avek sa fanm ki ti la, debout devan li.

Akt de Zapot 22:16

Aprezan, pa tarde. Leve! Ganny batize. Envok son non, pour ki ou bann pese i ganny lave.”

Akt de Zapot 8:21

Ou napa okenn par, ni drwa dan sa travay, akoz ou pa onnet dan ou leker devan Bondye.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

Efezyen 5:26

I'n fer sa pour konsakre Legliz pour Bondye, apre ki i'n pirifye li par delo ek laparol.

Efezyen 6:5

Bann serviter! Zot devre obei zot met lo later avek bokou respe, e travay dan son servis onnetman, parey ou ti ava fer si ou ti pe servi Kris.

1 Timote 4:2

Zot pou les zot ganny tronpe par lipokrizi bann manter; zot konsyans i'n ganny marke avek en fer rouz.

Let Pol pour bann Tit 3:5

I'n sov nou, pa akoz nou bon e zis, me akoz in annan konpasyon pour nou. I'n lav nou par Lespri Sen ki'n donn nou en nouvo nesans ek en nouvo lavi.

Ebre 10:1

Annefe, Lalwa Moiz pa reprezant egzakteman bann realite. I zis en reprezantasyon bann realite ki pou ganny manifeste plitar. I pa pou zanmen kapab, par sa bann sakrifis ki reste parey toulezan, rann parfe bann dimoun ki apros devan Bondye.

Ebre 10:19

Mon bann frer! Dezormen, nou annan konfyans ki, par disan Zezi ki'n ganny verse, nou ava kapab antre libreman dan sanktyer.

Ebre 11:28

Par lafwa, i ti selebre Pak e donn lord pour asperz disan lo laport bann lakaz, pour ki lanz ki donn lanmor, pa touy bann premye ne parmi pep Izrael.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

Ebre 6:11

Me nou oule ki sakenn parmi zot i reste aktif ziska lafen, pour fer sir ki zot lesperans i realize.

Ebre 7:19

Annefe, Lalwa Moiz pa ti kapab rann nanryen parfe. Aprezan, nou'n ganny en lesperans meyer ki permet nou apros kot Bondye.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

Ebre 9:19

Annefe, Moiz ti proklanm tou komannman Bondye devan lasanble pep Izrael, dapre Lalwa. Apre, i ti pran disan bann toro, bann bouk ek delo. Avek lalenn rouz ek en brans izop, i ti asperz lo liv Lalwa e lo pep antye.

Let Zak 1:6

Me fodre ki i demann avek lafwa, san doute, akoz en dimoun ki doute i parey laroul lo lanmer ki divan i anmennen e pous dan tou direksyon.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

1 Pyer 3:21

Sa ti reprezant batenm, ki pa pirifye lekor, me ki en larepons ki nou fer Bondye avek en konsyans pir. I sov zot gras a rezireksyon Zezi-Kri

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.