Ebre 10:19 - Labib An Kreol Seselwa

¹⁹ Mon bann frer! Dezormen, nou annan konfyans ki, par disan Zezi ki'n ganny verse, nou ava kapab antre libreman dan sanktyer.

Ebre 10:19 ပူးပေါင်းရင်းမြစ်များ

Romen 5:2

Gras a Zezi, nou kapab, par lafwa, ganny lagras Bondye, dan ki nou annan lavi. Sa ki fer nou fyer, se lespwar pour ganny en par dan mazeste Bondye.

Romen 8:15

Annefe, zot pa'n resevwar en Lespri ki rann zot lesklav, ki ranpli zot ankor avek lafreyer. Me zot in resevwar en Lespri ki fer zot vin zanfan Bondye e ki permet nou kriye: Aba! Mon Papa!

Efezyen 2:18

Annefe, par Kris, nou tou, Zwif e non-Zwif, nou kapab prezant nou devan Bondye avek led sa menm Lespri Sen.

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

2 Timote 1:7

Annefe, Bondye pa'n donn ou en lespri lafreyer; o kontrer, en lespri ki ranpli nou avek lafors, lanmour ek disiplin.

Ebre 10:18

Alor, kan pese in ganny pardonnen, lofrann pour pardon pese pa neseser.

Ebre 10:35

Alor, pa perdi konfyans e zot ava ganny en gran rekonpans.

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Ebre 4:16

Alor, annou apros avek konfyans devan tronn lagras Bondye, pour ki nou ganny pardonnen e trouv lagras pour ed nou dan bon moman.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 9:3

Deryer dezyenm rido ti annan en latant ki ti apel Lasal Tre Sen.

1 Zan 4:17

Si lanmour i parfe dan nou, nou annan sa konfyans pour zour Zizman, akoz nou lavi isi lo later i parey lavi Zezi-Kri.