Ebre 10:12 - Labib An Kreol Seselwa

¹² Kris par kont, apre ki i'n ofer en sel sakrifis pour pardon tou pese en fwa pour tou, in asiz lo kote drwat Bondye pour touzour.

Ebre 10:12 ပူးပေါင်းရင်းမြစ်များ

Psonm 110:1

SENYER ti dir avek mon senyer lerwa: Asiz lo mon kote drwat, ziska ki mon met ou bann lennmi anba ou lipye.

Mark 16:19

Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye.

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

Kolosyen 3:1

Par konsekan, si zot in resisite avek Kris, rod bann keksoz ki dan lesyel, kot Kris pe asize dan kote drwat Bondye.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Ebre 10:10

Zezi-Kri in fer lavolonte Bondye. I'n ofer li menm en fwa pour tou. Konmsa ki nou pese in ganny pardonnen.

Ebre 10:14

Ensi, par en sel lofrann, in rann parfe pour touzour, tou dimoun ki'n ganny pirifye.

Ebre 5:1

Tou Gran-Pret i ganny swazir parmi bann zonm. I ganny etabli pour li servi Bondye dan zot faver. I prezant lofrann ek sakrifis pour bann pese.

Ebre 5:3

Akoz li menm i feb, i bezwen ofer bann sakrifis, pa zis pour pese lepep, me osi pour son prop pese.

Ebre 7:27

I pa bezwen ofer sakrifis tou le zour, parey lezot Gran-Pret, dabor pour son prop pese, answit pour pese lepep. I'n ofer son lekor an sakrifis en sel fwa pour tou.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.