Ebre 10:1 - Labib An Kreol Seselwa

¹ Annefe, Lalwa Moiz pa reprezant egzakteman bann realite. I zis en reprezantasyon bann realite ki pou ganny manifeste plitar. I pa pou zanmen kapab, par sa bann sakrifis ki reste parey toulezan, rann parfe bann dimoun ki apros devan Bondye.

Ebre 10:1 ပူးပေါင်းရင်းမြစ်များ

Levitik 9:16

I ti prezant sakrifis konplet, ki i ti ofer dapre regleman.

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Kolosyen 2:17

Tousala i zis lonbraz keksoz ki pou vini dan lavenir. Me se Kris ki larealite.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 7:11

Dapre Lalwa pep Izrael, bann pret i devre ganny swazir parmi bann garson tribi Levi. Zot ti pret dapre lord Aaron. Me zot saserdos pa ti parfe, sinon, akfer annan en lot pret dapre lord Melkisedek? Sa pa ti pou neseser.

Ebre 8:5

Sa bann pret, fonksyon ki zot pe egzerse, i zis en kopi, en lonbraz sanktyer ki dan lesyel, akoz kan Moiz ti pe etabli sa latant, Bondye ti donn li sa lord: Ou ava fer tou parey sa model ki ou'n ganny montre lo montanny.

Ebre 9:11

Me Kris in vini koman Gran-Pret bann bon keksoz ki'n arive. I'n penetre dan en latant ki meyer e pli parfe, ki pa'n fer par zonm e ki pa form parti sa kreasyon.

Ebre 9:23

I ti neseser ki sa bann model ki reprezant realite dan lesyel, i ganny pirifye dan sa fason. Me sa bann realite dan lesyel, ti bezwen en meyer sakrifis.

Ebre 9:25

I pa'n antre pour ofer li plizyer fwa, parey Gran-Pret ti antre dan Lasal Tre Sen toulezan avek disan ki pa son prop disan.