Ebre 1:7 - Labib An Kreol Seselwa

⁷ Me lo size bann lanz Bondye i deklare: I'n fer son bann lanz vin bann souf, e son bann serviter, bann laflanm dife.

Ebre 1:7 ပူးပေါင်းရင်းမြစ်များ

Zenez 3:24

Apre ki i ti'n sas zonm, SENYER Bondye ti plas bann seriben dan lantre zarden Edenn avek en lepe laflanm ki ti dous dan tou kote, pour zot gard lakse ki al kot sa pye dibwa ki donn lavi.

1 Rwa 22:19

Alor, Mise ti dir, “Ekout parol SENYER. Mon'n war SENYER pe asiz lo son tronn e larme lesyel antye avek li, dan son kote drwat ek dan son kote gos.

2 Rwa 2:11

Letan zot ti pe kontinyen koze an marsan, zot ti ganny separe par en kales dife ek bann seval dife e Eli ti mont dan lesyel dan en tourbiyon.

2 Rwa 6:17

Elize ti priye. I ti dir, “SENYER! Mon sipliy ou ouver son lizye pour ki i war.” Alor, SENYER ti ouver lizye sa serviter e i ti war: Montanny ti kouver avek seval ek kales anflanm toultour Elize.

Psonm 104:4

I servi divan koman son mesaze; laflanm dife koman son serviter.

Ezai 6:2

Bann serafen ti pare pour servi li. Zot ti annan sis lezel: De ti servi pour kouver zot figir, de ti servi pour kouver zot lipye e de pour zot anvole.

Danyel 7:10

En larivyer dife ti sorti e koule devan li. Plizyer milyon dimoun ti servi li, e plizyer milyar ti debout devan li. Bann ziz ti pran zot plas, e bann liv ti ganny ouver.

Zakari 6:5

Lanz ti reponn mwan, “Sa i kat divan dan lesyel ki sorti dan prezans SENYER later antye.

Ebre 1:14

Bann lanz, ki zot ete? Pa zot bann lespri ki servi Bondye, e ki ganny anvoye pour ed tou bann ki pou ganny sove?