Ebre 1:5 - Labib An Kreol Seselwa

⁵ Annefe, avek lekel lanz, Bondye in deza dir: Ou mon garson, Ozordi, mon'n vin ou Papa? Zanmen Bondye in dir avek enn son bann lanz: Mon ava vin en Papa pour li, e i ava vin en Garson pour mwan.

Ebre 1:5 ပူးပေါင်းရင်းမြစ်များ

2 Samyel 7:14

Mon pou vin son papa, i ava vin mon garson. Si i fer fot, mon pou koriz li avek en baton ki zonm i servi, avek kou ki zonm i donnen.

1 Kronik 17:13

Mon pou vin son papa e i pou vin mon garson. Mon pa pou retir mon fidelite anver li, parey mon ti fer avek sa bann ki ti la avan.

1 Kronik 22:10

Li menm ki pou konstri en tanp pour mwan. I ava vin mon garson e mwan mon ava vin son papa. Mon pou etabli li pour touzour lo tronn rwayal Izrael.

1 Kronik 28:6

I ti dir mwan: Ou garson Salomon ki pou konstri mon tanp ek mon bann lakour, akoz mon'n swazi li koman mon garson, e mwan, mon pou vin en papa pour li.

Psonm 2:7

Mon pou proklanm bann regleman SENYER. I ti dir mwan: Ou mon garson; ozordi mon'n vin ou papa.

Akt de Zapot 13:33

i'n akonpli li aprezan pour nou, son bann desandan, par relev Zezi dan lanmor. Annefe, i'n ganny ekri dan dezyenm Psonm: Ou menm mon Garson, ozordi mon'n vin ou Papa.

Ebre 5:5

Demenm, pa Kris ki ti deside par li menm pour pran sa loner pour vin Gran-Pret. Me i ti ganny apwente par Bondye ki ti deklare avek li: Ou mon Garson, Ozordi mon'n vin ou Papa.