Ebre 1:4 - Labib An Kreol Seselwa

⁴ Annefe, Bondye in etabli son Garson dan en pozisyon pli o ki bann lanz, e i'n donn li en non siperyer ki pour zot.

Ebre 1:4 ပူးပေါင်းရင်းမြစ်များ

Efezyen 1:21

La, Kris in ganny plase par lao tou pouvwar, lotorite, pwisans, dominasyon. In ganny plase par lao tou tit ki egziste pa selman dan lemonn aktyel, me osi dan lemonn lavenir.

Kolosyen 1:18

I latet sa lekor, ki son Legliz; li menm konmansman, lene parmi bann ki'n resisite, pour li vin premye dan tou keksoz.

Kolosyen 2:10

Zot osi, zot in resevwar lavi konplet dan Kris ki domin tou bann lotorite e tou bann pouvwar spirityel.

2 Tesalonisyen 1:7

Zot ki ti pe soufer, e nou osi, i pou donn nou repo. Sa pou arive, kan Senyer Zezi pou aparet dan lesyel avek son bann lanz pwisan.

Ebre 1:9

Ou kontan lazistis, e ou deteste lemal. Pour sa rezon, Bondye, ou Bondye in konsakre ou avek en delwil lazwa, e i'n fer ou pli gran ki ou bann zanmi avek ou.

Ebre 12:17

Zot konnen ki plitar i ti oule resevwar benediksyon son papa, me i ti ganny rezete. I pa ti trouv okenn fason repanti, menm si i ti rod sa benediksyon avek larm.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.