Ebre 1:10 - Labib An Kreol Seselwa

¹⁰ I'n osi deklare: Ou menm, Senyer, ki'n kree later o konmansman; lesyel i travay ou lanmen.

Ebre 1:10 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Psonm 19:1

Lesyel i rakont laglwar Bondye; tou bann zetwal i proklanm travay son lanmen.

Proverb 8:29

I ti fikse lanmer son bann limit pour ki bann delo pa deborde; e i ti mark bann fondasyon later.

Ezai 40:12

Lekel ki'n deza mezir delo dan son lanmen e ki'n fikse lesyel avek son plak lanmen? Lekel ki'n fer antre tou lapousyer later dan en mezir? Lekel ki'n deza pez bann montanny ek kolin lo en balans?

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 48:13

Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 51:6

Lev lizye, get lesyel, get later anba: Lesyel pou disparet parey lafimen; later pou tonm an lanbo parey en lenz e son bann zabitan pou mor parey mous. Me mon delivrans i asire e delivrans ki mon pe anmennen i pour touzour.

Ezai 64:8

Malgre sa SENYER, ou menm nou Papa; nou, nou larzil e ou, ou potye ki fasonn nou; nou tou, nou rezilta travay ki'n sorti dan ou lanmen.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Ebre 12:27

Sa parol: Ankor en fwa, i montre klerman ki bann keksoz ki'n ganny kree, pou ganny sekwe e disparet pour ki zis sa ki solid ki reste.

Revelasyon 3:14

Ekri Lanz pour Legliz dan Laodise: La sa ki Amenn, temwen fidel e vre, sa enn ki konmansman kreasyon Bondye i deklare: