Deterononm 7:23 - Labib An Kreol Seselwa

²³ Me, SENYER, ou Bondye ava livre sa bann nasyon dan ou lanmen e zot pou tonm dan en gran lafreyer, ziska ki zot disparet.

Deterononm 7:23 ပူးပေါင်းရင်းမြစ်များ

Egzod 23:27

Mon pou anvoy mon lafreyer par devan ou e mon pou senm konfizyon parmi tou bann nasyon kot ou pou pase. Mon pou fer ou bann lennmi sove devan ou.

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Deterononm 2:15

Annefe, lanmen SENYER ti kont zot, pour li sas zot dan kan, ziska ki zot tou zot ti disparet.

Deterononm 31:5

SENYER ava livre zot dan ou lanmen e ou ava tret zot dapre bann lord ki mon'n donn ou.

Deterononm 8:20

Zot pou disparet parey bann nasyon ki SENYER pou detri devan ou, akoz zot pa'n obei lavwa SENYER, ou Bondye.

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

2 Tesalonisyen 1:9

Zot pou sibir destriksyon eternel koman pinisyon, lwen avek prezans Senyer e avek laglwar son pwisans.

Zozye 10:10

SENYER ti fer bann Amorit sove devan bann Izraelit ki ti bat zot dan Gabaon. Bann Izraelit ti pourswiv zot dan monte Bet-Horonn, e kontinyen ziska Azeka e Makeda.

Ziz 4:15

Alor, devan Barak, SENYER ti fer Sisera panike, li, avek tou son bann kales lager ek tou son larme. I ti masakre zot tou. Sisera ti desann depi son kales lager e sove apye.