Deterononm 7:17 - Labib An Kreol Seselwa

¹⁷ Si ou dir dan ou menm: Sa bann nasyon i pli nonbre ki nou; ki mannyer mon pou kapab sas zot?

Deterononm 7:17 ပူးပေါင်းရင်းမြစ်များ

Ezai 14:13

Ou ti dir dan ou leker: Mon pou mont dan lesyel; Mon pou met mon tronn par lao bann zetwal Bondye. Mon pou enstal mwan lo montanny lasanble Bondye.

Ezai 47:8

Aprezan, zot ki kontan lavi plezir, ekoute! Zot ki pe asiz dan sekirite, ki dir dan zot leker: Mwan ki la; napa koman mwan. Mon pa pou asiz koman en vev, ni konnen ki savedir perdi zanfan.

Ezai 49:21

Alor, dan ou leker ou pou dir: Lekel ki'n donn mwan tou sa bann zanfan? Mon pa ti annan okenn zanfan e mon ti steril. Mon ti annegzil e mon ti ganny delese. Alor, lekel ki'n donn mwan tou sa bann zanfan? Mon ti'n ganny abandonnen. Alor, kote sa bann zanfan i sorti?

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Nonm 13:32

Alor zot ti donn fo rapor parmi bann Izraelit lo pei ki zot in al eksplore. Zot ti dir: Later ki nou'n al eksplore pa kapab soutenir son zabitan. Tou dimoun ki nou'n war, zot gran.

Nonm 21:34

SENYER ti dir Moiz: Pa bezwen per li. Mon'n livre li, son pep ek son pei dan ou lanmen. Ou ava tret li parey ou'n tret Sihonn, lerwa bann Amorit ki ti gouvern Hesbonn.

Nonm 33:53

Zot ava pran posesyon sa later e enstal zot; mon pe donn zot sa pei koman zot posesyon.

Levanzil dapre Lik 9:47

Kan Zezi ti realize sa ki zot ti pe mazinen, i ti pran en zanfan ki i ti met obor li.

Deterononm 1:28

Kote nou pe ale? Nou bann frer in dekouraz nou. Zot ti dir nou ki sa pep i pli for e pli gran ki nou; bann lavil i gran e bann fortifikasyon i monte ziska lesyel; ki zot in menm war bann desandan zean.

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Deterononm 18:21

Petet ou ava dir dan ou menm: Ki mannyer nou pou kapab rekonnet en parol ki SENYER pa'n dir?

Deterononm 8:17

Fer atansyon! Pa dir dan ou menm: Mon'n ganny mon larises par mon lafors ek mon pwisans.

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.