Deterononm 7:15 - Labib An Kreol Seselwa

¹⁵ SENYER pour fer disparet tou kalite maladi parmi zot. I pa pou anvoy ou tou bann lepidemi ki ou ti byen konnen ler ou ti Lezip. Me i ava anvoy sa bann maladi lo tou bann dimoun ki ay ou.

Deterononm 7:15 ပူးပေါင်းရင်းမြစ်များ

Psonm 91:10

napa okenn fles ki pou tous ou; okenn maler pa pou apros kot ou lakour.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Egzod 23:25

Zot ava ador SENYER zot Bondye e i ava beni zot dipen ek zot delo. Mon pou elwanny tou maladi parmi zot.

Egzod 9:11

Bann mazisyen ti nepli kapab debout devan Moiz, akoz bann boubou. Annefe, sa bann boubou pa ti zis lo bann mazisyen, me osi partou lo lezot Ezipsyen.

Deterononm 28:27

SENYER pou anvoy lo ou, bann ilser parey Lezip: Labse, lagal, ek lagratel ki pa pou geri.

Deterononm 28:60

I ava anvoy lo ou tou bann lepidemi Lezip ki ti fer ou per e kont ki napa okenn gerizon.

Deterononm 30:7

SENYER, ou Bondye ava anvoy tou sa bann malediksyon lo ou bann lennmi e lo bann ki'n fer ou soufer,