Deterononm 5:33 - Labib An Kreol Seselwa

³³ Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Deterononm 5:33 ပူးပေါင်းရင်းမြစ်များ

1 Rwa 3:14

Si ou fer mon lavolonte, si ou obei mon lalwa ek mon bann komannman parey ou papa David, mon pou donn ou en long lavi.”

2 Rwa 17:37

Zot ava obzerve e met an pratik tou bann lalwa ek bann komannman ki i ti ekri pour zot. Zot pa devre ador okenn lezot bondye.

1 Kronik 28:8

Alor, devan pep Izrael antye, devan lasanble SENYER, e dan prezans nou Bondye, obzerv fidelman e met an pratik tou bann komannman SENYER ou Bondye. Konmsa, zot ava kapab pran posesyon sa bon pei e donn li koman patrimwann zot bann zanfan apre zot, pour touzour.

Psonm 119:6

Alor, mon pa pou kanmi ler mon pou get tou ou bann komannman.

Psonm 37:11

Me bann pov ki pou posed pei. Zot ava viv dan en lape total.

Psonm 37:22

Sa bann ki SENYER in beni pou posed pei. Me sa bann ki i'n modi pou ganny eliminen.

Psonm 37:29

Sa enn ki obei SENYER pou posed pei kot i pou reste pour touzour.

Psonm 37:34

Met ou konfyans dan SENYER e swiv son semen. I ava fer ou loner posed sa pei e ou ava war malfeter ganny detri.

Psonm 37:9

Annefe, bann malfeter pou ganny eliminen; me bann ki met zot konfyans dan SENYER, pou posed pei.

Egzod 20:12

Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Proverb 3:1

Mon garson! Pa oubliy mon lansennyman; gard mon bann komannman dan ou leker.

Zeremi 42:6

Nou anvoy ou konsilte SENYER nou Bondye pour nou. Kontan pa kontan, nou pou obei sa ki i pou demann nou fer par ou lentermedyer. Konmsa, tou ava mars byen pour nou, akoz nou ava pe obei SENYER nou Bondye.”

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Ezekyel 20:19

Mwan menm SENYER, zot Bondye. Obei mon bann lalwa, swiv mon bann regleman e met zot an pratik.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Romen 2:7

Bann ki fer lebyen, pou ganny laglwar, loner ek limortalite.

Efezyen 6:3

Pour ki ou ava viv ere e lontan lo later.

Deterononm 10:12

Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 11:9

Konmsa, zot ava viv lontan dan sa pei ki SENYER ti fer serman avek zot zanset pour donn zot ek zot bann desandan; sa pei kot dile ek dimyel i koule.

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 12:28

Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 22:7

Ou ava les sa manman ale e ou ava pran zis bann pti zwazo. Konmsa ou ava ere e ou ava viv lontan.

Deterononm 29:8

Nou ti pran zot pei ki nou ti donn bann Ribenit, bann Gadit ek demi tribi Manase koman zot patrimwann.

Deterononm 30:16

La sa ki mon pe ordonn ou ozordi: Obei bann komannman SENYER, ou Bondye, kontan SENYER, ou Bondye; mars dan son semen; obzerv son bann komannman, regleman ek lalwa, pour ki ou vin nonbre. SENYER, ou Bondye ava beni ou dan sa pei kot ou pe al antre pour pran posesyon.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Deterononm 6:3

Izrael! Ekoute alor, e obzerv byen sa bann komannman. Konmsa, zot ava viv ere e zot ava ganny bokou zanfan dan sa pei kot dile ek dimyel i koule annabondans, parey SENYER, Bondye ou bann zanset in promet zot.

Deterononm 8:1

Ou ava gard tou bann komannman ki mon ordonn ou ozordi. Konmsa, ou ava viv e vin nonbre. Ou ava antre e pran posesyon sa pei ki SENYER ti'n promet par en serman avek ou bann zanset.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.