Deterononm 4:40 - Labib An Kreol Seselwa

⁴⁰ Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 4:40 ပူးပေါင်းရင်းမြစ်များ

Psonm 105:45

Konmsa, zot in kapab gard son bann komannman e obzerv son bann lalwa. Loue SENYER!

Egzod 20:12

Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Egzod 23:26

Okenn fanm dan ou pei pa pou fer pert oubyen reste san zanfan. Mon pou fer zot viv lontan.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Ezai 65:20

Dan Zerizalenm, pou nepli annan pti baba ki viv zis detrwa zour ni vye dimoun ki pa viv lontan, akoz sa enn ki mor laz 100 an, pou ganny konsidere koman en zenn. Sa enn ki mor pli zenn ava ganny konsidere koman en malediksyon.

Zeremi 11:4

Sa i lalyans ki mon ti fer avek zot bann zanset, kan mon ti fer zot sorti Lezip, sa pei ki ti parey en four ki fonn fer. Mon ti dir zot ki si zot obei tou sa ki mon demann zot fer, alor zot ava vin mon pep e mwan, zot Bondye.

Zeremi 35:18

Zeremi ti dir avek klan bann Rekabit: La sa ki SENYER liniver, Bondye Izrael i deklare: Zot in obei lord zot zanset Yonadab; zot swiv tou son bann lenstriksyon e zot egzekit tou sa ki i ti ordonn zot.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 7:7

E mwan, mon ava les zot viv dan sa pei ki mon'n donn zot bann zanset depi touzour e pour touzour.

Levitik 22:31

Zot ava gard mon bann komannman. Mwan menm SENYER.

Nonm 10:29

Moiz ti dir Hobab, garson Reouel, son boper, ki ti en Madyanit, “Nou pe al dan sa later ki SENYER in promet pour donn nou. Vin avek nou e ou ava partisip dan boner ki SENYER in promet Izrael.”

Levanzil dapre Zan 14:15

Si zot kontan mwan, zot pou obei mon bann komannman.

Efezyen 6:3

Pour ki ou ava viv ere e lontan lo later.

Deterononm 11:9

Konmsa, zot ava viv lontan dan sa pei ki SENYER ti fer serman avek zot zanset pour donn zot ek zot bann desandan; sa pei kot dile ek dimyel i koule.

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 12:28

Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 22:7

Ou ava les sa manman ale e ou ava pran zis bann pti zwazo. Konmsa ou ava ere e ou ava viv lontan.

Deterononm 25:15

Ou ava annan zis en pwa egzakt e onnet; ou ava annan zis en mezir egzakt e korek, pour ki ou viv lontan dan pei ki SENYER, ou Bondye pou donn ou.

Deterononm 32:47

Annefe, sa pa bann parol vid, me i zot lavi; par sa bann parol, zot ava viv lontan dan pei ki zot pe al pran posesyon, apre ki zot ava'n travers larivyer Zourden.

Deterononm 33:25

Ou annan bann baro an fer e an bronz. I ava an sekirite tou son lavi.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Deterononm 4:6

Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Deterononm 6:18

Fer sa ki drwat e sa ki byen devan SENYER, pour ou kapab antre e viv ere dan sa pei ki SENYER in fer serman avek ou bann zanset pour li donn zot.

Deterononm 6:3

Izrael! Ekoute alor, e obzerv byen sa bann komannman. Konmsa, zot ava viv ere e zot ava ganny bokou zanfan dan sa pei kot dile ek dimyel i koule annabondans, parey SENYER, Bondye ou bann zanset in promet zot.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.