Deterononm 4:28 - Labib An Kreol Seselwa

²⁸ Laba, zot ava servi bann bondye ki zonm in fer, bann lobze an bwa e an ros ki pa ni war kler, ni tande, ni manze, ni santi.

Deterononm 4:28 ပူးပေါင်းရင်းမြစ်များ

2 Rwa 17:40

Me zot pa ti ekoute e zot ti kontinyen pratik zot bann koutim parey avan.

Ezai 26:14

Zot in mor, zot pa pou reviv, zot zis lonbraz e zot pa pou releve, akoz ou'n pini zot e ou'n detri zot; zot in ganny oubliye.

Ezai 44:11

Tou bann adorater pou ganny kouver avek laont: Son bann zabitan, zot zis bann imen. Zot tou, rasanble! Prezant zot debout! Zot pou fer per; zot tou, zot pou ganny kouver avek laont.

Ezai 44:12

Forzron i fer en sizo; i sof li dan labrez. Akoud marto, i donn li en laform, avek lafors son gro lebra. Me ler i lafen i perdi lafors; si i pa bwar delo, i feb.

Ezai 44:9

Bann fabrikan zidol pa vo nanryen e zot pli zoli travay pa servi dan nanryen. Sa bann stati i zot temwen. Zot bann temwen ki pa war nanryen, ki pa konn nanryen, ki pe kouver zot avek laont.

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 46:7

Zot met li lo zot zepol e zot anmenn li; zot al depoz li dan son plas e i reste debout. I pa kapab bouze kot i ete. Si en dimoun i vin sipliy li, i pa reponn. I pa ni kapab sov personn dan son maler.

Zeremi 10:3

Koutim sa bann nasyon napa valer. Zot koup en pye dibwa dan lafore; e en artizan i travay li avek en sizo.

Zeremi 10:5

Sa bann zidol, i parey sa ki zot met dan en plantasyon kokonm pour fer per zwazo. Zot pa kapab koze. Fodre anmenn zot akoz zot pa kapab marse. Napa rezon pour per zot akoz zot pa kapab fer ou dimal, ni okenn dibyen.

Zeremi 10:9

Zot ganny fabrike par en artizan e ganny dekore par en lorfev avek bann fey annarzan ki'n ganny enporte sorti Tarsis, oubyen avek lor sorti Oufaz. Answit, zot ganny abiye dan bann lenz kouler rouz e mov zot zis bann lobze lar, travay en artizan.

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Ezekyel 20:32

Zot in met dan zot lespri ki zot pou vin parey lezot nasyon. Parey lezot pep dan lezot pei, zot oule ador bann pye dibwa ek ros. Me sa pa pou zanmen arive.

Ezekyel 20:39

La sa ki Senyer BONDYE i deklare: Pep Izrael, sakenn parmi zot, zot kapab al ador zot zidol; apre, zot ava oblize obei mwan. Zot pou nepli profann mon non sen e ofer lofrann devan zot bann zidol.

Akt de Zapot 19:26

Me zot in war oubyen zot in tande sa ki pe pase: Sa zonm, Pol, pe dir ki bann bondye fer par zonm, pa bondye. I'n reisi konverti bokou dimoun, pa zis isi Efez, me preski dan provens Lazi antye.

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 29:17

Zot in war zot bann lobze degoutan, zot bann stati an bwa, an ros, annarzan, annor.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.

1 Samyel 26:19

Aprezan, mon senyer, mon rwa, mon demann ou ekout mwan. Si SENYER ki'n anvoy ou kont mwan, alor, mon demann li pour aksepte en lofrann. Me si zonm ki pe fer sa, SENYER i ava pini zot. Zot in sas mwan e fer mwan perdi mon par dan patrimwann ki SENYER in donn nou. Zot pe dir mwan: Al kot en lot bondye.