Deterononm 34:8 - Labib An Kreol Seselwa

⁸ Bann Izraelit ti pler Moiz pandan 30 zour dan laplenn Moab. Apre, sa bann zour dey pour Moiz ti fini.

Deterononm 34:8 ပူးပေါင်းရင်းမြစ်များ

Zenez 50:10

Kan zot ti ariv Atad, dan drwa kot i bat dible, lot kote larivyer Zourden, zot ti plere e fer en gran lamantasyon. Zozef ti pler son papa pandan set zour.

Zenez 50:3

Zot ti pran 40 zour, letan neseser pour anbonm en lekor. Bann Ezipsyen ti pler Zakob pandan 70 zour.

2 Samyel 11:26

Ler fanm Iri ti aprann ki son mari Iri ti'n mor, i ti pran dey.

Ezai 57:1

Bann zis i ganny detri e personn pa pran ka. Bann fidel i disparet e personn pa konpran. Annefe, bann ki fidel anver Bondye pe disparet, anglouti dan maler.

Nonm 20:29

Kan kominote Izrael ti war ki Aaron ti'n mor, pep antye ti met dey pandan 30 zour.

Akt de Zapot 8:2

Serten zonm byen relizye ti anter Etyenn e zot ti plere lo son lanmor.

Deterononm 34:7

Moiz ti annan 120 an kan i ti mor. Son lizye ti ankor bon e i ti ankor for e son lafors pa ti'n diminyen.

Deterononm 34:9

Zozye, garson Noun, ti ranpli avek lasazes. Annefe, Moiz ti'n poz son lanmen lo li. Bann Izraelit ti obei li e fer tou sa ki SENYER ti'n komande par lentermedyer Moiz.

1 Samyel 25:1

Kan Samyel ti mor, pep Izrael antye ti rasanble pour plere. Zot ti anter li se li, Rama. Apre sa, David ti desann dan dezer Parann.