Deterononm 33:9 - Labib An Kreol Seselwa

⁹ Lo size son papa ek son manman, Moiz ti dir: Mon pa konn zot. I ti inyor son bann frer; i pa ni rekonnet son bann zanfan. Zot ti obzerv ou parol, zot ti gard ou lalyans.

Deterononm 33:9 ပူးပေါင်းရင်းမြစ်များ

Zenez 29:32

Lea ti ansent e donn nesans en garson ki i ti apel Riben, savedir gete, i en garson. I ti dir, “SENYER in war mon soufrans. Aprezan, mon mari pou kontan mwan.”

1 Kronik 17:17

Pour ou SENYER, sa pa nanryen. Ou'n osi fer gran promes pour ou serviter ek son desandans, pour lwen dan lavenir! Ou tret mwan konmsi mon en personnaz enportan.

Liv Zob 37:24

Pour sa rezon, bann imen i devre annan respe pour li, akoz i get bann dimoun ki krwar zot saz.

Psonm 119:57

SENYER! Ou mon par. Mon promet gard ou bann parol.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Levitik 10:6

Apre, Moiz ti dir Aaron ek son de garson, Eleazar ek Itamar, “Pa delarg zot seve; pa desir zot lenz, pour ki zot pa mor e atir lakoler SENYER lo pep Izrael antye. Plito, les zot bann frer Izraelit plere lo sa bann ki SENYER in detri par dife.

Levitik 21:11

I pa pou al kot i annan en lekor mor; i pa pou rann li enpir, ni akoz son papa, ni akoz son manman.

Matye 10:37

Sa enn ki kontan son papa oubyen son manman plis ki mwan, i pa merit ganny apele mon disip. Sa enn ki kontan son garson oubyen son fiy plis ki mwan, i pa merit ganny apele mon disip.

Matye 12:48

Me Zezi ti reponn, “Lekel ki mon manman? Lekel ki mon bann frer?”

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Levanzil dapre Lik 14:26

“Sa enn ki vin kot mwan, i devre prefer mwan plis ki son papa, son manman, son fanm ek son zanfan, son frer ek son ser, e menm son prop lavi. Otreman i pa kapab vin mon disip.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.

Galat 1:10

Dir mwan aprezan: Eski mon pe rod faver imen oubyen faver Bondye? Eski mon pe rod fer plezir bann zonm? Si mon ti ankor pe fer plezir bann zonm, mon ti pou nepli en serviter Kris.

1 Tesalonisyen 2:4

Me Bondye in teste nou pour konfye nou son Bonn Nouvel. Nou pa prese pour fer plezir zonm, me pour fer plezir Bondye ki war dan fon nou leker.

1 Timote 5:21

Nou demann ou solannelman devan Bondye, devan Zezi-Kri e devan tou bann lanz Bondye: Swiv sa bann regleman san okenn prezize e san fer preferans pour personn.