Deterononm 33:28 - Labib An Kreol Seselwa

²⁸ Konmsa, Izrael i viv an sekirite; sours Zakob i san traka dan en pei dible ek diven, kot lesyel i fer desann laroze.

Deterononm 33:28 ပူးပေါင်းရင်းမြစ်များ

Zenez 27:28

Bondye ava donn ou lapli sorti dan lesyel, larises later, manze ek diven annabondans.

Zenez 27:37

Izaak ti reponn, “Mon'n fer li vin ou met, e tou son bann frer pou vin son serviter. Mon'n beni li avek manze ek diven. Ki mon pou kapab donn ou, mon garson?”

Zenez 27:39

Izaak, son papa, ti reponn: Ou pou reste lwen avek larises later, e lwen avek lapli ki sorti lao dan lesyel.

1 Rwa 5:5

Mon'n deside konstri en tanp konsakre pour SENYER mon Bondye. Annefe, SENYER ti'n deklare avek mon papa David: Ou garson, sa enn ki mon pou swazir pour ranplas ou lo tronn, ki pou konstri sa tanp an loner mon non.

Psonm 68:26

Bann sours Izrael! Loue SENYER Bondye. Remersye Bondye dan bann lasanble.

Egzod 33:16

Ki mannyer lezot pou konnen ki nou ou pep ki ou'n swazir? Nou diferan avek lezot pep lo later.”

Proverb 19:12

Lakoler en lerwa i parey gronnyman en zenn lyon; me son labonte i parey laroze lo zerb.

Proverb 3:20

Par son konnesans, bann rezervwar ki anba later dan lanmer, ti ouver e bann nyaz ti fer tonbe lapli.

Ezai 48:1

Desandan Zakob, zot ki port non Izrael, e zot ki sorti dan leren Zida! Ekoute. Zot ki pret serman lo non SENYER e envok Bondye Izrael, me zot pa ni senser, ni lwayal.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Zeremi 49:31

Leve! Al atak sa nasyon ki krwar i an sekirite. Son lavil napa okenn baro ni kadnan pour protez zot. Zot tousel.

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Zakari 14:11

Dimoun pou vin reste la, akoz zanmen ankor, Zerizalenm pou ganny detri. Bann zabitan pou viv an sekirite.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Nonm 23:9

Mon war li depi lo montanny; mon admir li ler mon anler lo kolin. Zot en nasyon apar. Zot pa form parti lezot nasyon.

Deterononm 11:11

Me dan sa pei ki ou pe al pran posesyon ler ou ava'n travers larivyer Zourden, i annan montanny, vale; i ganny aroze par lapli ki tonbe, sorti dan lesyel;

Deterononm 12:10

Kan zot ava travers larivyer Zourden e viv dan pei ki SENYER, zot Bondye pou donn zot, i ava gard zot anpe avek zot bann lennmi ki otour zot e zot ava viv an sekirite.

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.

Deterononm 32:8

Kan Bondye Treo ti donn bann nasyon zot patrimwann, kan i ti separ bann imen, i ti fikse teritwar bann pep; i ti plas sak pep anba lotorite en et seles.

Deterononm 33:12

La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

Deterononm 33:13

Pour tribi Zozef, Moiz ti dir: Son later ava ganny beni par SENYER avek bann zoli kado sorti dan lesyel ek laroze ki sorti dan profonder.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.