Deterononm 33:27 - Labib An Kreol Seselwa

²⁷ Bondye ki egziste dan tou letan i en labri; depi touzour son pwisans i gran. I ti sas lennmi devan ou. I ti dir: Detri zot!

Deterononm 33:27 ပူးပေါင်းရင်းမြစ်များ

Zenez 49:24

me in tenir ferm lo son lans. Son lebra in reste daplon. Par lafors Bondye Zakob, ou'n vin Berze e Ros protekter Izrael.

Psonm 102:24

Mon dir: Mon Bondye! Ou ki viv pour touzour! Pa pran mon lavi ler mon ankor zenn.

Psonm 139:5

Ou antour mwan par tou kote; ou poz ou lanmen lo mwan.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 27:5

Dan letan maler, i pou gard mwan anba son twa; i pou kasyet mwan anba son latant; i pou met mwan an sekirite lo en gro ros.

Psonm 36:7

SENYER! Ou fidelite i tre presye. Tou imen i vin abrit dan lonbraz ou lezel.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 46:11

SENYER liniver i avek nou; Bondye Zakob i nou labri.

Psonm 46:7

SENYER liniver i avek nou; Bondye Zakob i nou labri.

Psonm 48:3

Bondye ki asir sekirite dan lavil i en fortres.

Psonm 55:19

Bondye ki rennyen depi touzour pou antann mwan e i pou imilye zot. Zot pa pou sanze, zot napa respe pour Bondye.

Psonm 68:34

Proklanmen ki Bondye i pwisan; i gouvern Izrael; i montre son pwisans dan lesyel.

Psonm 71:3

Ou menm sa Ros protekter, landrwa kot mon kapab vini nenport ki moman. Ou'n deside sov mwan, akoz ou mon Ros protekter e mon fortres.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Psonm 91:9

Akoz ou'n pran SENYER koman ou protekter; ou'n swazir Bondye Treo pour ou labri,

Egzod 23:28

Mon pou anvoy bann fleo par devan ou e mon pou fer sove bann Hivit, bann Kananeen ek bann Hitit.

Egzod 34:11

Ou ava obzerv tou sa ki mon ordonn ou ozordi: Mon pou sas devan ou bann Amorit, bann Kananeen, bann Hitit, bann Perizit, bann Hivit ek bann Zebizit.

Proverb 10:25

Ler tanpet i vini, malfeter i fannen; me sa enn ki zis i reste pour touzour.

Proverb 18:10

Non SENYER i en tour solid; i en proteksyon pour sa enn ki zis.

Kantik Salomon 2:6

Son lanmen gos i anba mon latet; avek son lanmen drwat i ser mwan.

Ezai 25:4

Ou en landrwa refiz dimoun pov; ou'n vin en refiz pour bann ki dan bezwen e dan maler; en labri kont gro lapli e en lonbraz kont lasaler. Lakoler bann lennmi kriyel i fwete kont miray, parey lapli dan movetan.

Ezai 26:4

Met ou konfyans dan SENYER pour touzour, akoz SENYER i sa Ros solid pour touzour.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Zeremi 50:21

La sa ki SENYER i deklare: Al atak bann zabitan Merataim ek Pekod! Touye! Detri zot tou konpletman. Fer tou sa ki mon'n ordonn ou.

Oze 11:3

Me mwan ki ti montre Efraim marse; mon ti pran zot dan mon lebra; me zot pa ti konnen ki mon pran swen pour zot.

Mise 5:1

Aprezan, zabitan Zerizalenm! Sizle zot lekor koman siny dey. Lennmi pe antour nou, ou'n ganny anserkle. Avek en baton, zot tap sef Izrael lo son lazou.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Habakouk 1:12

SENYER, mon Bondye, mon Sen! Ou ki SENYER, depi touzour. Ou pa pou mor. SENYER! Ou'n swazir bann Babilonyen pour egzekit ou zizman. Mon Ros protekter! Ou'n etabli zot pour pini nou.

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Romen 16:20

Bondye, ki donn lape, ava byento kraz Satan anba zot lipye. Lagras nou Senyer Zezi ava avek zot tou.

Romen 8:2

Annefe, Lalwa Lespri ki donn lavi par Zezi-Kri, in rann mwan lib anver lalwa pese ek lanmor.

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Zozye 24:18

SENYER ki ti sas devan nou tou bann pep: Bann Amorit ki ti reste dan sa pei. Alor, nou osi, nou pou servi SENYER, akoz SENYER ki nou Bondye.”

1 Pyer 1:5

Sa bann byen i pour zot, ki, par lafwa, in ganny garde par pwisans Bondye, ziska ki delivrans i arive, pare pour ganny revele dan lafen letan.

Let Zid 1:24

Pour sa enn ki anpes zot tonbe; ki kapab fer zot konparet san fot e dan lazwa devan son prezans glorye;

Revelasyon 20:10

Dyab ki ti pe tronp zot, ti ganny zete dan lak dife avek souf, kot sa bebet ek son profet mansonz ti ete. Zot pou ganny tourmante lizour koman aswar e pour touzour.

1 Samyel 15:29

Laglwar Izrael pa koz manti e i napa regre. I pa en et imen pour regrete.”