Deterononm 33:26 - Labib An Kreol Seselwa

²⁶ Moiz ti dir ankor: Yesouroun! Personn pa parey Bondye. I travers bann nyaz pour li vin sekour ou.

Deterononm 33:26 ပူးပေါင်းရင်းမြစ်များ

Psonm 104:3

In poz fondasyon son gran demer lo delo. I fer nyaz vin son kales; i avans lo lezel divan.

Psonm 18:10

I ti mont lo en seriben e i ti anvole. I ti plannen lo lezel divan.

Psonm 68:35

Bondye i formidab dan son sanktyer. Li, Bondye Izrael, i donn son pep pouvwar ek lafors. Loue Bondye!

Psonm 68:4

Sant pour Bondye! Loue son non par bann kantik! Sant en kantik pour sa enn ki vini dan nyaz lo son kales. SENYER i son non. Selebre avek lazwa devan li!

Psonm 86:8

Napa okenn bondye ki parey ou, SENYER; napa nanryen parey bann mervey ki ou'n fer.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 15:7

Dan grander ou mazeste, ou detri ou lennmi. Ou anvoy ou lakoler e zot ganny brile parey lapay.

Egzod 8:10

Faraon ti dir li, “Demen.” Moiz ti dir li, “Mon ava fer parey ou dir. Konmsa, ou ava konnen ki napa en lot parey SENYER, nou Bondye.

Egzod 8:6

Aaron ti lev son lanmen dan direksyon bann larivyer Lezip. Grenouy ti monte e kouver Lezip antye.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 40:18

Avek ki alor ou pou konpar Bondye? Lekel ki resanble li?

Ezai 40:25

Avek ki alor ou pou konpar Bondye? Lekel ki resanble li? Bondye Sen i demande.

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Ezai 66:8

Lekel ki'n deza antann en keksoz parey? Lekel ki'n deza war keksoz parey? En pei i kapab ne dan en zour? En nasyon i kapab ganny kree en sel kou? Pourtan, de ki Siyon ti dan douler lakousman, i ti donn nesans son bann zanfan.

Zeremi 10:6

SENYER! Napa personn parey ou. Ou gran e ou non i gran e pwisan.

Oze 13:9

Izrael! Mon pou detri ou, lekel ki pou delivre ou?

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.

Habakouk 3:8

SENYER! Eski ou gran lakoler ti kont bann larivyer? Alor, ou gran lakoler i kont bann larivyer e kont lanmer, kan ou mont lo ou bann seval ek ou bann kales pour laviktwar.

Deterononm 10:14

Lesyel ek tou sa ki ladan, later osi ek tou sa ki ladan i pour SENYER, ou Bondye.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 33:5

Kan bann sef lepep ti rasanble avek bann tribi Izrael, SENYER ti zot lerwa dan Yesouroun.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.