Deterononm 33:19 - Labib An Kreol Seselwa

¹⁹ Zot pou konvok bann pep lo montanny. La, zot ofer bann sakrifis parey lalwa i demande, akoz zot eksplwat labondans lanmer ek bann trezor ki kasyet dan disab.

Deterononm 33:19 ပူးပေါင်းရင်းမြစ်များ

Zenez 49:13

Zabilon pou reste obor lanmer; i pou en por pour bann bato, e son teritwar pou ariv ziska Sidon.

Psonm 107:22

Ofer bann sakrifis remersiman e sant avek lazwa, tou son bann mervey.

Psonm 2:6

Mwan ki'n etabli mon lerwa lo Siyon, mon montanny sen.

Psonm 4:5

Ofer bann sakrifis ki byen; met ou konfyans dan SENYER.

Psonm 4:6

Bokou pe dir: Lekel ki pou montre nou sa ki byen? SENYER! Fer leve lalimyer ou lafas lo nou.

Psonm 51:19

Alor ou ava aksepte bann sakrifis ki ou demande, bann lofrann ek bann sakrifis konplet. Alor, nou ava kapab ofer bann toro lo ou lotel.

Egzod 15:17

Ou pou anmenn zot e etabli zot lo montanny ou posesyon, en landrwa ki ou'n prepare pour ou reste, SENYER, dan sa sanktyer ki ou lanmen in prepare, SENYER.

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Ezai 60:16

Ou pou sis dile bann nasyon, ou pou sis larises bann lerwa. Alor, ou pou konnen ki mwan SENYER, mon ou Sover e ou Liberater, Bondye pwisan Zakob.

Ezai 60:5

Ler ou pou war sa, ou pou ranpli avek lazwa; ou leker pou bate avek lemosyon, ou pou rezoui dan lazwa. Trezor bann zil lanmer pou ariv ziska kot ou e larises bann nasyon pou vin kot ou.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Deterononm 32:13

I ti plas li lo oter pei e fer li manz prodwi pei. I ti fer li manz dimyel sorti dan ros avek delwil sorti dan ros granit;

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.