Deterononm 33:16 - Labib An Kreol Seselwa

¹⁶ Avek bann meyer fri ki later i kapab prodwir. Faver sa enn ki aparet dan zarbis, ava repoz lo latet Zozef, lo fron sa enn ki'n ganny swazir parmi son bann frer.

Deterononm 33:16 ပူးပေါင်းရင်းမြစ်များ

Zenez 37:28

En bann marsan Madyanit ti pas par la. Zot ti tir Zozef dan sa pwi e zot ti vann li avek sa bann Ismaelit pour 20 pyes larzan. Sa bann marsan ti anmenn Zozef Lezip.

Zenez 37:36

Alor, bann Madyanit ti'n vann Zozef Lezip avek Potifar, en sef e kaptenn gard rwayal dan lakour Faraon.

Zenez 37:8

Son bann frer ti dir li, “Eski ou pou vreman vin nou lerwa? Oubyen, eski vreman ou pou annan dominasyon lo nou?” Zot ti deteste li plis ankor akoz son bann rev e mannyer i ti rakont zot.

Zenez 43:32

Zot ti servi Zozef apar, e son bann frer separe. Bann Ezipsyen ki ti la avek li, zot osi zot ti manz separe, akoz bann Ezipsyen pa manz avek bann Ebre. Annefe, pour bann Ezipsyen, sa i en keksoz degoutan.

Zenez 49:26

Zozef! Benediksyon ou papa pou depas byenfe bann montanny lantikite. Benediksyon ki depas larises bann vye kolin ava repoz lo ou latet. Zozef, sa enn ki'n ganny met apar parmi son bann frer.

Psonm 24:1

Later avek tou son larises, lemonn avek tou son bann zabitan i pour SENYER.

Psonm 50:12

Si mon lafen, mon pa pou bezwen fer ou konnen, akoz later ek tou sa ki i annan dan lemonn i pour mwan.

Psonm 89:11

Lesyel i pour ou. Later osi i pour ou. Ou ki ti kree lemonn ek tou sa ki ladan.

Egzod 2:2

Sa fanm ti tonm ansent e donn nesans en garson. Ler i ti war ki ti en zoli baba, i ti kasyet li pandan trwa mwan.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Nonm 26:28

Desandans tribi Zozef: Ti annan de garson: Manase ek Efraim.

Mark 12:26

Lo size rezireksyon bann mor, eski zot pa'n zanmen lir dan liv Moiz, sa ki Bondye ti dir li dan brousay anflanm: Mwan menm Bondye Abrahanm, Bondye Izaak e Bondye Zakob.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Akt de Zapot 7:35

Sa Moiz ki bann Izraelit ti rezete, kan zot ti dir li: Lekel ki'n etabli ou koman sef e ziz? Bondye ti anvoy li koman sef e liberater, par lentermedyer sa lanz ki ti aparet avek li dan sa zarbis.

1 Korentyen 10:26

Annefe, Lekritir i deklare: Later avek tou sa ki ladan, i propriyete Senyer.

1 Korentyen 10:28

Me si en dimoun i dir ou: Sa lavyann ti'n ganny ofer koman sakrifis an loner bann zidol; pa manze par konsiderasyon pour sa dimoun ki'n fer ou sa remark, e pour en rezon konsyans.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.