Deterononm 33:11 - Labib An Kreol Seselwa

¹¹ SENYER! Beni son kouraz e aksepte travay son lanmen. Kas leren son bann ladverser, ek sa bann ki ay li, pour ki zot pa lev ankor.

Deterononm 33:11 ပူးပေါင်းရင်းမြစ်များ

2 Samyel 24:23

Mon donn ou tou, mon rwa.” Aravna ti azoute, “Mon swete ki SENYER ou Bondye ava aksepte ou lofrann.”

Psonm 20:3

I ava mazin tou ou bann lofrann e aksepte ou bann sakrifis konplet.

Ezai 29:21

Sa bann ki fer fos akizasyon, ki met en latrap pour bann ziz devan laport lavil e ki, san okenn rezon, fer en inosan ganny kondannen.

Zeremi 15:10

Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Ezekyel 43:27

Apre sa set zour, bann pret ava ofer lo lotel, sakrifis konplet ek bann sakrifis lakominyon pour lepep. Alor, mon ava aksepte zot. Senyer BONDYE ki'n deklare.

Amos 5:10

Zot deteste sa enn ki akiz zot devan laport lavil; zot ay sa enn ki dir laverite.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

Deterononm 33:12

La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.