Deterononm 33:10 - Labib An Kreol Seselwa

¹⁰ Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

Deterononm 33:10 ပူးပေါင်းရင်းမြစ်များ

2 Kronik 26:18

Zot ti opoz lerwa Ozyas. Zot ti dir li, “Ou napa drwa bril lansan an loner SENYER. Sa drwa i rezerve pour bann pret, desandan Aaron, ki'n ganny konsakre pour bril lansan. Sorti dan sanktyer, akoz ou pe komet en sakrilez, sa i pou en dezoner devan SENYER Bondye.”

2 Kronik 30:22

Ezekyas ti ankouraz bann levit ki ti montre bon disernman anver servis SENYER. Pandan set zour, lepep ti partisip dan bann repa Pak. Zot ti ofer sakrifis lakominyon e sant louanz an loner SENYER, Bondye zot zanset.

Esdras 7:10

Esdras ti'n met tou son leker dan letid lalwa SENYER, met li an pratik e ansenny dan Izrael tou bann lalwa ek regleman.

Nehemi 8:18

Sak zour, depi premye zour ziska dernyen zour, zot ti lir liv lalwa Bondye. Zot ti selebre lafet pandan set zour. Dapre regleman, son wityenm zour, ti en zour lasanble solannel.

Psonm 51:19

Alor ou ava aksepte bann sakrifis ki ou demande, bann lofrann ek bann sakrifis konplet. Alor, nou ava kapab ofer bann toro lo ou lotel.

Ezekyel 43:27

Apre sa set zour, bann pret ava ofer lo lotel, sakrifis konplet ek bann sakrifis lakominyon pour lepep. Alor, mon ava aksepte zot. Senyer BONDYE ki'n deklare.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Levitik 1:13

I ava lav trip ek bann lapat avek delo. Answit, en pret ava prezant tou e fer brile lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:17

I ava fann sa zwazo an de ant son lezel, me san separ li an morso. Apre, sa pret ava bril li lo dibwa ki lo lotel. Sa i ava en sakrifis konplet, brile dan dife, ki anvoy en loder ki fer plezir SENYER.

Levitik 1:9

Trip ek bann lapat ava ganny lave avek delo. Apre, en pret ava bril tousala lo lotel. Sa, i ava en sakrifis konplet, brile dan dife, ki anvoy en loder ki fer plezir SENYER.

Levitik 10:11

e ansenny pep Izrael tou bann regleman ki SENYER in donn zot par lentermedyer Moiz.”

Levitik 16:12

I ava pran en lansanswar ranpli avek labrez sarbon sorti lo lotel ki devan SENYER, avek de ponnyen lansan anpoud pour brile e i ava anmenn lo lot kote rido.

Levitik 16:13

I ava met lansan lo labrez devan SENYER; nyaz lafimen ki monte ava anvlop kouvertir Kof Lalyans ki annan dokiman lalyans. Konmsa i pa pou mor.

Agze 2:11

La sa ki SENYER liniver i deklare: Demann bann pret en lalwa lo sa kestyon:

Agze 2:12

Si en dimoun pe anmenn en morso lavyann konsakre, anvlope dan en lenz, e apre, sa lenz i tous swa dipen, legim, oubyen diven, delwil, oubyen nenport ki manze, eski sa manze osi i vin sakre? Sa bann pret ti reponn, “Non.”

Nonm 16:40

Sa ti servi pour rapel pep Izrael, ki personn, apar bann desandan Aaron, pa vin ofer lansan devan SENYER, pangar zot pas koman Kore ek son group, parey sa ki SENYER ti'n dir par lentermedyer Moiz.

Nonm 16:46

Apre, Moiz ti dir Aaron: Pran lansanswar avek dife ki lo lotel. Met lansan lo la, al vitman kot lepep e fer rityel pirifikasyon pour zot pese. Lakoler SENYER in eklate e fleo in konmanse.

Nonm 7:50

en lakoup annor ki ti pez 100 granm, ranpli avek lansan;

Deterononm 24:8

Fer atansyon! Dan ka en maladi ki parey lalep, obzerv byen tou regleman ki bann pret levit i donn ou, parey mon'n ordonn zot.

Deterononm 27:14

Apre, bann levit ava deklare tre for avek bann Izraelit:

Deterononm 33:11

SENYER! Beni son kouraz e aksepte travay son lanmen. Kas leren son bann ladverser, ek sa bann ki ay li, pour ki zot pa lev ankor.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

1 Samyel 2:28

Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.