Deterononm 32:46 - Labib An Kreol Seselwa

⁴⁶ i ti dir zot: Reflesi lo tou sa bann parol ki mon pe donnen an temwannyaz kont zot ozordi; ordonn ou bann zanfan pour gard zot, pour ki zot ava byen met an pratik tou bann parol sa lalwa.

Deterononm 32:46 ပူးပေါင်းရင်းမြစ်များ

1 Kronik 22:19

Alor, met tou zot leker ek tou zot lespri pour konn lavolonte SENYER zot Bondye. Leve e konstri sanktyer SENYER, ou Bondye, pour ki Kof Lalyans SENYER ek bann lobze sakre Bondye, i ganny en plas dan tanp ki pou ganny konstri pour SENYER.”

Psonm 78:5

I'n donn pep Zakob en komannman; in fikse en lalwa dan Izrael. I ti ordonn nou bann zanset pour fer zot bann zanfan konnen.

Proverb 12:28

I annan lavi lo semen lazistis; sa enn ki swiv sa semen pa pou mor.

Ezekyel 40:4

Sa zonm ti dir mwan: Ou ki en imen, ouver byen gran ou lizye ek ou zorey. Port atansyon avek tou sa ki mon pou fer ou war. Pour sa rezon ki ou isi, pour al anons tou sa ki ou pou war, avek pep Izrael.

Ezekyel 44:5

SENYER ti dir mwan: Ou ki en imen, port atansyon, ouver ou lizye e ouver ou zorey. Ekout tou bann regleman ki konsern tanp SENYER ek son bann rityel. Fer byen atansyon sa ki konsern bann lantre ek bann sorti sanktyer.

Amos 5:4

La sa ki SENYER i deklare avek pep Izrael: Swiv mwan, ou ava viv.

Levanzil dapre Lik 9:44

“Ekout byen sa bann parol ki mon pou dir zot: Fis-de-Lonm pou ganny livre dan lanmen bann zonm.”

Deterononm 11:18

Zot ava met mon bann parol ki mon pe donn zot dan zot leker e dan zot et antye; anmar zot lo zot lanmen koman en siny; atas zot koman en mark lo zot fron.

Deterononm 11:19

Ou ava ansenny zot ou bann zanfan; ou ava koz lo zot ler ou dan lakour, ler ou pe marse lo semen, ler ou pe al dormi e ler ou leve.

Deterononm 32:45

Ler Moiz ti'n fini ansenny tou sa bann parol pep Izrael antye,

Deterononm 4:6

Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Ebre 2:1

Pour sa rezon, nou bezwen port en pli gran latansyon pour mesaz ki nou'n tande, pour ki nou pa les nou ganny antrennen dan perdisyon.