Deterononm 32:43 - Labib An Kreol Seselwa

⁴³ Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.

Deterononm 32:43 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

1 Rwa 8:43

depi ou demer dan lesyel, ekoute kan sa etranze i envok ou; egzos tou son reket ver ou, parey ou pep Izrael. Zot ava rekonnet ki ou non i ganny envoke la, dan sa lakaz ki mon'n konstri.

2 Rwa 9:7

Ou ava detri lafanmir ou met, Akab; konmsa, mon ava vanz kont Zezabel, disan tou mon bann serviter, bann profet, e disan tou bann serviter SENYER.

Liv Zob 13:24

Akoz ou kasyet ou figir avek mwan e ou konsider mwan koman ou lennmi?

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Psonm 58:10

Sa enn ki zis ava kontan ler i ava war ki vanzans in ganny fer. I ava lav son lipye dan disan bann malfeter.

Psonm 65:3

Pwa mon fot i tro lour pour mwan. Ou pou pardonn tou nou pese.

Psonm 79:10

Akoz fodre les bann nasyon dir: Oli son Bondye? Devan nou, fer bann nasyon war koman ou vanz disan ou bann serviter ki zot ti fer koule!

Psonm 79:9

Mon Bondye, nou sover! Vin sekour nou pour montre ou grander. Pour loner ou non, delivre nou e pardonn nou.

Psonm 85:1

SENYER! Ou'n montre ou lanmour anver ou pei; ou'n retabli sityasyon Zakob.

Psonm 85:3

Ou'n aret ankoler; ou'n abandonn tou lakoler ki ou ti annan kont nou.

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 1:25

Mon pou vir kont ou. Mon pou pirifye ou dan dife, mon pou tir tou ou bann lenpirte.

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 19:23

Sa zour, pou annan en larout ki pou relye Lezip avek Asiri. Bann Asiriyen pou vin Lezip e bann Ezipsyen pou al Asiri. Bann Ezipsyen pou ador avek bann Asiriyen.

Ezai 19:25

ki SENYER liniver pou beni ler i dir: Lezip mon pep, Asiri ki mon'n kree e Izrael mon posesyon ava ganny beni.

Ezai 44:22

Mon'n balye ou bann fot parey en nyaz e ou bann pese parey en brouyar. Retourn kot mwan akoz mon'n sov ou.

Ezai 60:6

En kantite samo pou kouver ou teritwar, bann zenn samo sorti Madyann ek Efa; tou bann zabitan ki sorti Saba pou vini. Zot pou anmenn lor ek lansan e zot pou proklanm louanz SENYER.

Ezai 66:10

Zot tou ki kontan Zerizalenm! Selebre ansanm avek li! Rezoui! Rezoui avek li akoz i dan lazwa, zot tou ki port dey pour li.

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 51:36

La sa ki SENYER ti deklare: Mon pou pled ou ka e mon pou vanz dan ou plas. Mon pour fer sek lanmer Babilonn e fer sek son sours.

Lamantasyon 2:5

SENYER in azir parey en lennmi. I'n detri Izrael, i'n detri son bann pale. I'n kraz son bann miray proteksyon. I'n ogmant latristes ek maler partou dan Zida.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Ezekyel 25:14

Mon pou les mon pep Izrael tir vanzans kont Edonm. Izrael pou tret zot dapre mon gran lakoler e zot ava rekonnet mon vanzans, Senyer BONDYE i deklare.

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Revelasyon 15:2

Apre, mon ti war sa ki ti resanble en lanmer an ver, melanze avek dife. Mon ti osi war bann ki ti'n ganny laviktwar lo sa bebet, lo son stati, e lo nimero ki koresponn avek son non. Zot ti pe debout lo lanmer an ver, avek dan zot lanmen, bann laarp ki Bondye ti'n donn zot.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.

Revelasyon 18:20

Lesyel! Rezoui lo son larin! Zot osi, pep Bondye, bann zapot, ek bann profet! Rezoui! Bondye in ziz li pour sa ki i'n fer zot.

Revelasyon 19:2

Son zizman i vre e zis! I'n ziz sa gran prostitye ki'n ranpli later avek koripsyon ek son prostitisyon. Bondye in vanz disan son bann serviter ki zot i'n touye.

Revelasyon 6:10

Zot ti kriye avek en lavwa for: Ziska kan, Senyer sen e vre, ki ou pou tarde ziz e vanz nou disan lo bann zabitan later?