Deterononm 32:36 - Labib An Kreol Seselwa

³⁶ Annefe, SENYER pour ziz son pep; i pou pran pitye pour son bann serviter, akoz i pou war ki zot lafors in fini e ki nepli annan ni lesklav ni zonm lib.

Deterononm 32:36 ပူးပေါင်းရင်းမြစ်များ

1 Rwa 14:10

Pour sa rezon, mon pou anvoy maler lo fanmir Zeroboanm, mon pou detri tou zonm, lesklav koman zonm lib dan Izrael; mon pou balye e fer disparet fanmir Zeroboanm konpletman, parey salte.

1 Rwa 21:21

La mon pou anmenn maler lo ou; mon pou fer ou disparet, mon pou detri tou bann zonm dan fanmir Akab, lesklav ek zonm lib parmi pep Izrael.

2 Rwa 14:26

Annefe, SENYER ti'n war gran soufrans ki Izrael. Ti nepli annan personn, ni lesklav ni zonm lib, pour sekour Izrael.

2 Rwa 9:8

Lafanmir Akab antye pour ganny detri; mon pou ekstermin tou zonm dan fanmir Akab, lesklav koman zonm lib dan Izrael.

Psonm 106:45

i ti rapel son lalyans avek zot. Dan son gran fidelite, i ti pran konpasyon pour zot.

Psonm 135:14

Annefe, SENYER pou rann son pep lazistis; i pou pran pitye pour son bann serviter.

Psonm 50:4

I kriy ver lesyel lao e ver later pou ziz son pep:

Psonm 7:8

SENYER! Ou ki ziz bann nasyon, rann zizman dan mon faver dapre mon lentegrite.

Psonm 90:13

Retournen SENYER! Ziska kan? Pran pitye pour ou bann serviter.

Psonm 96:13

devan SENYER, akoz i pe vini; i pe vini pour ziz later. I pou ziz lemonn dapre lazistis e bann pep dan laverite.

Egzod 32:14

Alor, SENYER pa ti fer dimal ki i ti'n dir i pou fer son pep.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Zeremi 31:20

La sa ki SENYER i deklare: Efraim! Ou menm mon garson prefere. Ou menm ki mon pli kontan. Sak fwa ki mon menase pour pini ou, mon kontinyen mazin ou an byen. Akoz mon annan bokou lanmour pour ou, mon pou pran pitye pour ou SENYER i deklare.

Zeremi 42:10

Si zot kontinyen reste dan sa pei, alor mon ava rekonstri zot pep, mon pa pou detri li. Olye derasin zot, mon ava replant zot, akoz mon regret tou sa maler ki mon'n fer tonm lo zot.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Zoel 2:18

Alor, SENYER ti montre son gran zalouzi; i ti pran pitye pour son pep.

Levitik 26:43

Konmsa, bann lennmi ava abandonn pei. Pandan ki i dan dezolasyon, i ava akonpli son saba. Alor, zot ava aksepte mon pinisyon, akoz zot in oze rezet mon bann regleman e mepriz mon bann lalwa.

Amos 7:3

Alor, SENYER ti regrete. I ti dir: Sa pa pou arive.

Amos 7:6

Alor, SENYER ti sanz son lide. I ti dir: Sa osi pa pou arive.

Ebre 10:30

Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.

Ziz 2:18

Kan SENYER ti donn zot bann ziz, i ti avek bann ziz. Tan ki ti annan bann ziz, SENYER ti delivre zot dan lanmen zot bann lennmi. Annefe, SENYER ti pran pitye pour zot devan bann kit i pe zot maltret zot.