Deterononm 32:35 - Labib An Kreol Seselwa

³⁵ Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 32:35 ပူးပေါင်းရင်းမြစ်များ

Zenez 4:23

Lemek ti dir avek son bann fanm: Ada ek Sila ekout mwan. Zot bann fanm Lemek ekout byen sa ki mon dir: Mon'n touy en zonm pour blesir ki mon'n gannyen, e en zanfan, pour bate ki mon'n resevwar.

2 Samyel 22:48

I donn mwan laviktwar lo mon bann lennmi e fer bann pep soumet anba mwan.

2 Rwa 9:7

Ou ava detri lafanmir ou met, Akab; konmsa, mon ava vanz kont Zezabel, disan tou mon bann serviter, bann profet, e disan tou bann serviter SENYER.

Psonm 94:1

SENYER! Ou en Bondye ki fer vanzans; Bondye vanzans! Fer konnen ki ou ete.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Ezai 13:22

Ou pou antann irlman bann yenn dan bann tour, bann sakal dan bann pale. Sa letan i pros, i pe vini, son bann zour in fini, son lafen pa lwen.

Ezai 5:19

Zot dir: Depese SENYER, akoz nou anvi war sa. Proze Bondye sen Izrael pa pou tarde pour ganny akonpli! Nou oule war sa arive.

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Ezai 8:15

Akoz li, bokou pou tonbe. Zot pou tonbe e ganny blese. Zot pou tonm dan latrap e pri ladan.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Zeremi 23:12

Pour sa rezon, mon pou fer zot glise dan semen. Zot pou bat ek kanmarad dan fernwanr e zot pou tonbe. Mon pe anmenn maler lo zot; letan zot pinisyon in arive, SENYER i deklare.

Zeremi 51:56

Sa enn ki detri tou, in vin kont li, kont Babilonn; son bann gerye in ganny kaptire, zot lark in ganny kase. Annefe, SENYER i en Bondye ki fer rann kont, e ki fer peye. I pou tret bann Babilonyen parey zot merite.

Zeremi 6:21

Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Ezekyel 7:5

La sa ki Senyer BONDYE i deklare: En maler in arive! Gro maler ki zot pa'n zanmen war pe vini.

Oze 13:12

Bann fot Efraim i ganny anmare byen sere e garde an rezerv dan en landrwa sir.

Levitik 19:18

Ou pa pou vanze, ni gard rankin kont personn parmi ou pep; me ou devre kontan ou prosen parey ou menm. Mwan menm SENYER.

Nahoum 1:2

SENYER i en Bondye zalou ki vanze. SENYER i tir vanzans, e i tre ankoler. SENYER i revanz lo son bann ladverser, e gard son lakoler kont son bann lennmi.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Habakouk 2:3

Annefe, sa i ankor en vizyon pour en letan ki'n ganny fikse. I pou realize byento; sa i laverite. Si i tarde, espere, akoz i pou sirman realize, san tarde.

Romen 12:19

Mon bann zanmi! Pa fer zot prop vanzans, me les lakoler Bondye azir. Annefe, Senyer i deklare dan Lekritir: Mwan ki pou fer vanzans. Mwan ki pou fer peye.

Romen 13:4

Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Deterononm 32:43

Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.

Ebre 10:30

Annefe, nou konn sa enn ki ti deklare: Mwan ki pou fer vanzans, mwan ki pou donn lapey an retour. I'n osi dir: Senyer pou ziz son pep.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

1 Samyel 26:10

David ti dir, “Par SENYER ki vivan! SENYER menm ki pou pini li; swa i ava mor kan son letan i arive, ouswa i ava mor dan lager.