Deterononm 32:32 - Labib An Kreol Seselwa

³² Zot boutir rezen i sorti dan en plan ki sorti Sodonm dan plantasyon rezen Gomor; zot rezen i bann rezen anpwazonnen, zot bann grap i anmer.

Deterononm 32:32 ပူးပေါင်းရင်းမြစ်များ

Liv Zob 14:17

Mon bann fot ava ganny sele dan en sak, e ou ava blansi mon bann pese.

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 5:4

Tou sa ki mon ti kapab fer pour mon plantasyon rezen, pa mon'n fer? Mon ti pe espere rekolte bon rezen. Me akoz in donn mwan rezen eg?

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Lamantasyon 4:6

Pese mon pep i pli grav ki pese Sodonm ki ti ganny kraze en sel kou; personn pa ti annan letan pour sov li.

Matye 11:24

Pour sa rezon, mon dir zot ki zour zizman, Sodonm pou ganny trete mwen severman ki zot.

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Deterononm 32:33

Zot diven i venen dragon, pwazon vyolan bann serpan.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.